3 Падишалар 14:24 - Мукъаддес Китап

²⁴ Бу ерде акъай путхане ороспулары да бар эди. Ехудада яшагъанлар, РАББИ исраиллилернинъ огюнден къувалагъан халкълар киби, чешит писликлерни яптылар.

3 Падишалар 14:24 ပူးပေါင်းရင်းမြစ်များ

Башланув 19:5

Олар Лутны чагъырып, онъа: – Санъа геджелемеге кельген акъайлар къана? Оларны бизге чыкъар, биз оларнынъ намусына токъунайыкъ, – деди.

3 Падишалар 15:12

О, мемлекеттен эркек путхане ороспуларыны къувып йиберди, баба-деделери япкъан пис путларны ёкъ этти.

3 Падишалар 22:46

Ехошафат, бабасы Асанынъ кунюнден къалгъан эркек путхане ороспуларны топракътан ёкъ этти.

4 Падишалар 23:7

РАББИнинъ Сарайында олгъан эркек путхане ороспуларынынъ эвлерини йыкътырды. Анда апайлар Ашера путуна табынмакъ ичюн чадырларны тиккен эдилер.

Левийлилер 18:26

Сизлер исе, эм исраиллилерден олгъан, эм аранъызда яшагъан кельмешеклерден олгъан эр кес Меним низамнамелеримни ве къарарларымны беджеринъиз, бу пис ишлерни япманъыз.

Левийлилер 18:30

Буюргъанларымны беджеринъиз ве сизден эвель олгъан адамларнынъ пис низамнамелерини тутманъыз, оларнынъ себебинден арам олманъыз. Мен – РАББИм, сизинъ Алланъыз.

1 Коринтлилерге 6:9

Сизлер бильмейсизми? Яманлыкъ япкъанлар Алланынъ Падишалыгъыны мирас оларакъ алмайджакълар. Алданманъыз, Алланынъ Падишалыгъына не ахлякъсызлар, не путларгъа ибадет эткенлер, не къоранта садыкълыгъыны бозгъан адамлар, не котверенлер, не апай ерине акъайнен яткъан адамлар,

Къануннынъ текрары 23:17

Исраиль къызларында ве огъулларында не апай, не акъай путхане ороспулары олмасын.

Къануннынъ текрары 23:18

Ороспулыкънен къазангъан акъчаны не апайгъа, не акъайгъа бир тюрлю адакъ беджермек ичюн, Алланъ олгъан РАББИнинъ Эвине кирсетмеге ёл берме. Эм биринджиси, эм экинджиси Алланъ олгъан РАББИнинъ огюнде писликтир.

Къадылар 19:22

Ёлджулар раатланаяткъанда, шеэр сакинлери, бир талай олмайджакълар, эвни сарып, къапуны такъылдатып башладылар. Олар эв саиби къарткъа: – Мусафирнинъ намусына токъунмакъ ичюн, оны бизге чыкъар, – дедилер.