3 Падишалар 12:13 - Мукъаддес Китап

¹³ Падиша, акъсакъалларнынъ берген меслеатындан вазгечип, халкъкъа пек серт джевап берди.

3 Падишалар 12:13 ပူးပေါင်းရင်းမြစ်များ

Башланув 16:6

– Мына, хызметчинъ сенинъ къолунъда, – деди Ибрам Сарейге. – Онен не истесенъ, оны яп. Сарей Хагъарны ойле азарлап башлады ки, тап Хагъар ондан къачып кетти.

Башланув 42:30

– О ернинъ акимдары бизнен серт лакъырды этти. Бизни джасуслар деп сайды.

Башланув 42:7

Юсуф агъаларыны корип, оларны таныды. Лякин оларгъа дуйдурмайып, оларнен серт лакъырды этип башлады. – Сиз къайдан кельдинъиз? – деп сорады о олардан. – Ханаан топрагъындан, – дедилер олар. – Аш сатын алмакъ ичюн.

2 Падишалар 19:43

Исраиллилер исе Ехуда акъайларына: – Биз – он дане Исраиль къабилесимиз, сизден он кере чокъмыз. Шунынъ ичюн бизим Давутта он къат чокъ акъкъымыз бар. Не ичюн бизни ашалайсынъыз? Падишамызны къайтарув ишинде биринджи сёз бизимки дегильми я? – дедилер. Лякин ехудалыларнынъ джевабы исраиллилернинъ сёзлеринден даа серт олды.

3 Падишалар 12:12

Учюнджи куню Еровоам ве бутюн халкъ Реховоамгъа кельди, чюнки падиша оларгъа: «Манъа учь куньден сонъ къайтып келинъиз», – деп буюргъан эди.

3 Падишалар 12:14

Яш йигитлернинъ меслеатыны динълеп, о: – Меним бабам сизге буюк агъырлыкъ юклеген, мен исе бу агъырлыкъны даа да зияделештиреджегим. Меним бабам сизни къамчыларнен джезалагъан, мен исе сизни чаянларнен джезалайджагъым, – деди.

Чыкъыш 10:28

Фыравун Мусагъа: – Бар кет! Мукъайт ол, козюм корьмесин сени, козюм корьген куню исе – олерсинъ! – деди.

Чыкъыш 5:2

Амма фыравун: – РАББИ ким олгъан? Не ичюн Онынъ сёзюни динълеп, манъа Исраиль халкъыны йибермек керек? Мен РАББИни бильмейим ве исраиллилерни йибермем, – деди.

Икметли сёзлер 10:11

Инсафлы адамнынъ агъзы – яшайыш чокърагъыдыр, яман адамнынъ агъзы исе зорбалыкъларыны гизлей.

Икметли сёзлер 10:32

Инсафлы адамнынъ дудакълары хош лаф айта, яман адамнынъ агъзы исе – ялан.

Икметли сёзлер 13:20

Икметли адамларнен акъыл танышкъан адам икметли олур, акъылсызларнен иш туткъан адам исе белягъа огърар.

Икметли сёзлер 15:1

Йымшакъ джевап гъазапны ятыштырыр, акъаретли сёз исе ачув къозгъар.

Икметли сёзлер 18:23

Апайны тапкъан яхшылыкъ тапа ве РАББИнинъ разылыгъыны къазана.

Джемаат башы 10:12

Икметли адамнынъ агъзындан чыкъкъан сёзлери онъа мерамет кетирир, ахмакънынъ сёзлери озь башыны ашар.

Джемаат башы 2:19

О адам икметли, я да ахмакъ оладжагъыны ким биле? Мен замет эткен ве ер юзюнде озюмни икметли косьтерген заметимнен о къулланаджакъ. Бу да бошуна.

Якъуп 3:17

Юкъарыдан кельген икмет исе биринджиден темиз-пак, сонъ тынчлыкъсевер, йымшакъ, сёз динълеген, мераметке ве хайырлы ишлерге толу, темиз юрекли ве адамларны айырмагъан икметтир.

1 Падишалар 20:10

Давут Ёнатандан: – Эгер бабанъ санъа къаба джевап берсе, мени ким хабердар этеджек? – деп сорады.