3 Падишалар 10:28 - Мукъаддес Китап

²⁸ Атларны Сулеймангъа Мысыр ве Кеведен кетире эдилер. Падишанынъ алыш-веришчилери бу атларны Кеведен парагъа сатын ала эдилер.

3 Падишалар 10:28 ပူးပေါင်းရင်းမြစ်များ

Башланув 41:42

Фыравун, озюнинъ къолундан юзюкни чыкъарып, Юсуфнынъ къолуна кийдирди. Устюне индже кетенден тикильген урбалар кийдирди, бойнуна алтын зынджыр такъты.

Башланув 47:17

Олар озь айванларыны айдап кельдилер, ве Юсуф ашны атларгъа, къой-эчкилерге, туварларгъа ве эшеклерге алмаштыра эди. О йылы оларнынъ бутюн айванларыны алып, оларны ашнен теминледи.

2 Тарих вакъиалары 9:28

Атларны исе Сулеймангъа Мысырдан ве башкъа мемлекетлерден кетире эдилер.

Икметли сёзлер 7:16

Тёшегиме дюльбер орьтюлерни, тюрлю ренкте олгъан Мысыр басмаларыны тёшедим.

Ешая 19:9

Кетен ишлегенлер, беяз басма токъугъанлар рухтан тюшеджеклер.

Ешая 36:9

Сен эфендимнинъ энъ кичик башлыгъындан юзь чевирме, Мысыргъа ве онынъ дженк арабалары ве атлыларына ишанма.

Ехезкель 27:7

Елькенинъ ренкли Мысыр кетенинден тикильди, сени елькенлеринъден таный эдилер. Элиша ялыларындан мор ве мавылы къырмызы безлернен сенинъ устюнъни япа эдилер.

Къануннынъ текрары 17:16

Падиша озюне чокъча атларны алмасын, ве, чокъча атларны алмакъ ичюн, халкъны Мысыргъа къайтармасын. РАББИ: «Сизге анда кене къайтмагъа олмаз», – деди.