3 Падишалар 10:25 - Мукъаддес Китап

²⁵ Оларнынъ эр бири озюнден бахшышлар кетире эди. Эр йыл кумюш ве алтын савутлар, урбалар, силя, къокъулы шейлер, ат ве къатырлар кетире эдилер.

3 Падишалар 10:25 ပူးပေါင်းရင်းမြစ်များ

Башланув 36:24

Цивоннынъ огъуллары: Айя ве Ана. Бу анавы, бабасы Цивоннынъ эшеклерини бакъкъанда сахрада сыджакъ сув тапкъан Анадыр.

2 Падишалар 8:10

озюнинъ огълу Ёрамны Давут падишагъа, онен селямлашмагъа ве, Хададезернен дженклешип енъгени ичюн, оны хайырламагъа ёллады, чюнки Хададезер Тоинен дженклешмекте эди. Ёрам кумюш, алтын ве бакъыр бахшышлар кетирди.

2 Падишалар 8:2

Сонъ о, моавлыларны енъди. Моавлыларны ерге серип, оларны аркъаннен ольчеп, учьке больди. Эр учюни аркъаннен ольчеп, учьте экисини ольдюрди, бир аркъанны исе сагъ къалдырды. Сонъ моавлылар Давутнынъ къуллары олды ве салым тёледилер.

3 Падишалар 1:33

Падиша оларгъа: – Эфендилеринъизнинъ къулларыны алынъыз да, барып, огълум Сулейманны меним къатырыма отуртып, оны Гихонгъа алып кетинъиз.

3 Падишалар 10:10

Сонъ о, падишагъа 120 чувал алтын ве чокътан-чокъ гузель къокъулы шейлер ве къыйметли ташлар багъышлады. Шева къыраличеси Сулеймангъа багъышлагъан гузель къокъулы шейлернинъ микъдары ич бир вакъыт о къадар чокъ дегиль эди.

3 Падишалар 18:5

Ахав Овадьягъа: – Айды, мемлекетнинъ эписи чокъракълары ве озенлерини бакъып чыкъайыкъ. Бельки от тапармыз, сонъ атларгъа ве къатырларгъа аш олур ве туварларны ольдюрмек керек олмаз, – деди.

3 Падишалар 5:1

Сулейманны зейтюн ягъынен ягълап, бабасынынъ ерине падиша эткенлери акъкъында эшитип, Тирнинъ падишасы Хирам онъа хызметкярларыны ёллады. Хирам бутюн омюр Давутнынъ якъын досту эди.

4 Падишалар 17:4

Хошеа Мысыр падишасы Согъа эльчилер ёллады ве Ашшур падишасына эр йыллыкъ бергисини тёлемей башлады. Ашшур падишасы Хошеанынъ фитнеджилик япкъаныны бильди, Хошеаны якъалап, оны зиндангъа къапады.

2 Тарих вакъиалары 26:8

Аммонлылар Уззиягъа берги тёлей эдилер. О, пек къудретли олгъаны ичюн, онынъ намы Мысыр сынъырларына къадар белли олды.

2 Тарих вакъиалары 9:24

Оларнынъ эр бири озюнден бахшышларны: кумюш ве алтын шейлер, урбалар, силя ве къокъулы шейлер, ат ве къатырларны, – эр йыл кетире эдилер.

Узеир 2:66

Оларнынъ 736 аты, 245 къатыры,

Эстер 8:10

Мордекъай мектюплерни Ахашверош падишанынъ адындан язды, оларны падишанынъ юзюгинен басты ве хаберджилернен ёллады. Хаберджилер падиша ичюн махсус бесленген чабик атлар устюне минип кеткен эдилер.

Эстер 8:14

Падишанынъ чабик атларына минген хаберджилер тез кеттилер, падишанынъ буюргъаныны беджермеге ашыкътылар. Къанун Шушан къалесинде де илян этильди.

Эюп акъкъында китап 42:11

О вакъыт бутюн огълан къардашлары ве къызкъардашлары, эвельки танышларнынъ эписи Эюпнынъ янына кельди ве эвинде онен берабер байрам яптылар. Къасеветлеринен пайлашып, РАББИ Эюпнынъ башына тюшюрген белялары ичюн гонълюни ала эдилер. Эр бири онъа пара ве бир алтын юзюк берди.

Зебур 68:29

Тирилер китабындан адлары силинсин, инсафлыларнен берабер олмасынлар!

Зебур 72:10

Шунынъ ичюн Алланынъ халкъы оларгъа юзь чевире, оларда сув чокъ экен, тойгъандже ичелер.

Зебур 72:15

Эгер: «Бойле айтаджагъым», – деген олсам, Сенинъ огъулларынъа хаинлик япар эдим.

Ешая 36:16

Хизкияны динълеменъиз! Ашшур падишасы бойле дей: Меннен барышынъыз ве огюме чыкъынъыз. Сонъра эр кес озь юзюми ве озь инджирлерини ашасын, озь къуюсындан сув ичсин.

Ешая 66:20

О вакъыт бутюн халкъларнынъ арасында яшагъан эписи агъа-къардашларынъызны атларда, ачыкъ ве япыкъ арабаларда, къатырларда ве тез юрген девелерде азиз дагъыма, Ерусалимге РАББИге бахшыш оларакъ алып кетиреджеклер, – дей РАББИ. – Бунъа ошап, Исраиль огъуллары темиз савутларда РАББИнинъ Эвине ашлыкъ бахшышларыны кетирелер.

Ехезкель 27:14

Бет-Тогъарма сакинлери сенинъ малларынъ ичюн атларны ве дженк атларыны, эм де къатырларны бере эди.

Матта 2:11

Эвге кирип, Баланы ве Онынъ анасы Мерьемни корьдилер де, тиз чёкип, Онъа бель буктилер. Сонъ хазинелерини ачып, Онъа алтын, либан ве мюр багъышладылар.

Къадылар 3:15

Сонъ Исраиль огъуллары къычырып, РАББИден ярдым истедилер, ве РАББИ оларгъа къуртарыджы Эхудны берди. Солакъай Эхуд биньяминли Геранынъ огълу эди. Исраиллилер Эхуддан Моав падишасы Эглонгъа бахшышлар йибердилер.

1 Падишалар 10:27

Ярамай кишилер исе: «Омы бизни къуртараджакъ?» – деп, оны ред эттилер ве бахшыш багъышламадылар. Шаул исе бир шей айтмады.