3 Падишалар 10:12 - Мукъаддес Китап

¹² Падиша бу алмуг агъачындан РАББИнинъ Сарайында ве озь эвинде таянчлар яптырды. Бундан гъайры, шу агъачтан чалгъыджылар ичюн сантыр ве арфа яптырды. Бу алмуг агъачы ич бир вакъыт кельмеген эди, ве бугуньгедже о корюльмеген эди.

3 Падишалар 10:12 ပူးပေါင်းရင်းမြစ်များ

2 Падишалар 6:5

Давут ве Исраиль огъуллары РАББИнинъ огюнде байрам япып, кипарис агъачындан ясалгъан чешит чалгъы алетлеринде ве сантыр, арфа, даре, шакъылдакъ ве зиллерде чалдылар.

3 Падишалар 10:11

Шу вакъыт Офирден алтын кетирген Хирамнынъ гемилери Офирден чокътан-чокъ алмуг агъачы ве къыйметли ташлар кетирди.

3 Падишалар 10:13

Сулейман падиша Шева къыраличесине озь падиша бахшышындан гъайры, онъа даа сорагъанларынынъ ве истегенлерининъ эписини берди. Сонъ о ве онынъ хызметчилери озь мемлекетине къайттылар.

1 Тарих вакъиалары 23:5

4 000 къапуджы олмакъ керек эди, ве 4 000 адам Давут яптыргъан чалгъы алетлеринде чалып, РАББИни шерефлемек керек эди.

2 Тарих вакъиалары 9:11

Падиша шу алгум агъачындан РАББИнинъ Сарайына ве падишанынъ эвине мердивен япты, бундан гъайры йырджылар ичюн сантырлар ве арфалар да яптырды. Бундан эвель Ехуда топракъларында ойле шейлер корюльмеген эди.