2 Юхан 1:8 - Мукъаддес Китап

⁸ Япкъан ишинъизнинъ берекетини джоймамакъ ве мукяфатны бутюнлей алмакъ ичюн, озюнъизге мукъайт олунъыз.

2 Юхан 1:8 ပူးပေါင်းရင်းမြစ်များ

Даниял 12:3

Акъыллы адамлар кок къуббесининъ ярыгъы киби оладжакъ, чокъ адамны акъикъаткъа чевиргенлер, йылдызлар киби, эр вакъыт, эбедиен парылдайджакълар.

Матта 24:4

Иса джевап берип оларгъа: – Ич кимсе сизлерни алдатмасын деп, сакът олунъыз!

Марк 13:23

Сизлер исе сакът олунъыз. Мен буны сизлерге эвельден айтып берем.

Марк 13:9

Сизлер козь-къулакъ олунъыз. Сизни махкемеге береджеклер, синагогаларда котеклейджеклер. Мен ичюн сизни акимлер ве падишаларнынъ алдына турсатып, Мен акъкъымда шаатлыкъ яптыраджакълар.

Лука 19:19

Онъа да: «Сен де беш шеэрге укюмдарлыкъ этерсинъ», – дей.

Лука 21:8

Иса оларгъа: – Ич кимсе сизлерни алдатмасын деп, сакът олунъыз! Чокъ адамлар: «Мен Месихим» ве «Вакъыт кельди», – деп, Меним Адым иле келеджеклер. Оларнынъ артындан барманъыз.

Юхан 4:36

Оракъчы иш акъкъыны ала ве эбедий омюр берекетини джыя. Бойледже, сачкъан адам оракъчынен берабер къуваналар.

1 Коринтлилерге 15:8

Эписинден сонъ исе, вакътындан эвель догъгъан балагъа ошагъан мен де Оны корьдим.

1 Коринтлилерге 3:14

Кимнинъ къургъан бинасы атешке даянса, о мукяфат аладжакъ.

1 Коринтлилерге 3:8

Эм сачкъан, эм суваргъан адамлар бирликте чалыша. Лякин эр бири озь ишине коре мукяфатны аладжакъ.

Галатиядакилерге 3:4

Сизлер о къадар чокъ бошуна къыйналдынъызмы? Шу бошуна олмакъ мумкюнми?

Галатиядакилерге 4:11

Мен сизинъ ичюн къоркъам. Аджеба, мен сизлер ичюн о къадар чокъ бошуна чалыша эдимми?

Филиплердекилерге 3:16

Шимди исе бизлер неге иришкен олсакъ, бунъа коре яшайыкъ.

Еудийлерге 10:32

Эвельки куньлерни акълынъызгъа кетиринъиз. О вакъытта бильги ярыгъыны корьген сонъ, сиз чекишип, чокъ азапларгъа даяндынъыз.

Еудийлерге 10:35

Онынъ ичюн, джесаретинъизни джойманъыз. Келеджекте о, сизге буюк мукяфат береджек.

Еудийлерге 12:15

Ич биринъиз Алланынъ эйилигини ред этменъиз деп, дикъкъатлы олунъыз. Аранъызда аджджы тамыргъа ошагъан адам олмасын, ёкъса о сизге зарар кетиреджек ве чокъ адамларны арамлайджакъ.

Сырларнынъ ачылувы 3:11

Мен тезден келирим. Къолунъда не олса, къатты тут, ич кимсе таджынъны тартып алмасын.