2 Пётр 3:10 - Мукъаддес Китап

¹⁰ Раббининъ куню, хырсыз киби, апансыздан келеджек. Шу куню кок гудюрдеп, гъайып оладжакъ, дюньянынъ эсас шейлери янып ирип кетеджеклер, ер ве ер юзюнде япылгъан эр бир шей ачыладжакъ.

2 Пётр 3:10 ပူးပေါင်းရင်းမြစ်များ

Зебур 46:6

Алла къуванчлы къычырувлар арасында юксельди; РАББИ боруларнынъ сеслери арасында котерильди.

Зебур 97:5

РАББИ ичюн сантыр чалынъыз, сантыр чалып, йырлар айтынъыз!

Ешая 2:12

Бутюн къопай, гъурур ве юксельтильген адамларгъа къаршы Ордулар РАББИсининъ куню келеджек, ве олар эписи ашаланаджакълар!

Ешая 24:19

Ер юзю чатлап ярыла, саллана-саллана сарсыла, шалтырай-шалтырай къакъына.

Ешая 34:4

Бутюн кок ордусы ирип кетеджек, коклер, бурулгъан кягъыт киби, сарыладжакъ. Юзюм пытагъындан, я да инджир терегинден солгъан япракъ тюшкени дайын, бутюн ордулары йыкъыладжакъ.

Ешая 51:6

Козьлеринъизни коклерге котеринъиз, сонъ ашагъы, ер юзюне бакъынъыз. Коклер, думан киби, гъайып оладжакъ, ер юзю, урба киби, ипранаджакъ, анда яшагъанлар, къурт-къырмыскъа киби, оледжек. Амма Мен эбедиен къуртарув береджегим, адалетимнинъ сонъу олмайджакъ.

Ёэль 1:15

Ах, насыл кунь! РАББИнинъ куню якъындыр. О куню Къудретли Алла эр бир шейни ёкъ этеджек.

Ёэль 2:1

Сионда бору чалынъыз, азиз дагъымда телюке сигналыны беринъиз. Топракъта яшагъан эр кес къоркъудан титресин, РАББИнинъ куню келеята, энди о якъындыр.

Ёэль 2:31

Кунешни къаранлыкъ къаплайджакъ, ай къангъа бояланаджакъ. Ве ондан сонъ РАББИнинъ буюк ве къоркъунчлы куню келеджек.

Ёэль 3:14

Укюм чыкъарылгъан вадийинде – адам сюрюлери, РАББИнинъ куню укюм чыкъарыладжакъ ерге якъынлашты!

Амос 9:13

– Мына, бойле куньлер келир ки, – дей РАББИ, – сабанджылар топракъ сюрмеге кельгенде, берекетни джыйып етиштирмеген оракъчыларгъа расткеледжек, урлукъ сачмагъа кельген адамлар исе юзюмни басып етиштирмегенлерни расткетиреджеклер. Юзюм шырасы дагълардан тамлайджакъ, бутюн байырлардан акъаджакъ.

Амос 9:5

Ордуларнынъ РАББИ-Таалясы ерге тийгенинен, ер ирер, устюнде яшагъан эр кес агълар. Бутюн ер, Нил дерьясы киби, котериледжек, Мысыр дерьясы киби къабарып, ашагъы тюшеджек.

Микъа 1:4

Онынъ аягъы астында дагълар ирип кетеджек, вадийлер, атештен ириген балавуз киби, юксек къаядан тюшкен сувлар киби, дагъылып кетеджеклер.

Нахум 1:5

Дагълар РАББИнинъ огюнде къалтырай, байырлар ирий, Онынъ огюнде ер титрей, дюнья ве дюньяда яшагъанларнынъ эписи титрей.

Малакий 4:5

РАББИнинъ буюк ве къоркъунчлы куню кельмезден эвель, Мен сизге Ильяс пейгъамберни ёллайджагъым.

Матта 24:35

Кок ве ер из къалдырмайып кечерлер, лякин Меним сёзлерим кечмез.

Марк 13:31

Кок ве ер из къалдырмайып кечерлер, лякин Меним сёзлерим кечмез.

Лука 12:39

Шуны билинъиз: эв саиби, хырсыз не вакъыт келеджегини бильсе, о хырсызгъа эвине кирмеге ёл бермез эди.

Римлилерге 8:20

Бутюн барлыкъ бош яшайыш ичинде къалды, бунъа озь истегинен бойсунмады, лякин Алланынъ истегинен бойсунды ве умют этти ки,

1 Коринтлилерге 1:8

О, сизинъ иманынъызны бутюнлей къавийлештиреджек, ве Раббимиз Иса Месих къайтаджакъ кунюнде сиз къабаатсыз олурсынъыз.

1 Коринтлилерге 5:5

бу адамны Шейтангъа бермек керексинъиз. Онынъ бедени гъайып олсун, руху исе Раббининъ кунюнде къуртулсын.

2 Коринтлилерге 1:14

Сизлер энди, азчыкъ олса да, бизни анълайсынъыз: Иса Раббимизнинъ кунюнде биз сизинъ акъкъынъызда, сиз исе бизим акъкъымызда гъурурланырсынъыз.

1 Тессалоникелилерге 5:2

Озьлеринъиз яхшы билесинъиз ки, Раббининъ куню, гедже хырсыз киби, келеджек.

1 Тессалоникелилерге 5:4

Сизлер исе, агъа-къардашлар, къаранлыкъта дегильсиз, шу кунь сизлерни, хырсыз киби, басып алмаз.

2 Пётр 3:11

Эгер эр шей бойле этип, ирип кетсе, сизге не къадар азиз ве инсафлы яшамакъ керек?

2 Пётр 3:12

Сиз Алланынъ кунюни беклейсинъиз ве онынъ келювини тезлештиресинъиз. О куню коклер янып ёкъ оладжакъ, эсас шейлер къызып, ирип кетеджеклер.

2 Пётр 3:7

Айны шу Сёз шимдики ерни ве коклерни джеза кунюнедже, имансыз адамларнынъ ёкъ олувы кунюнедже атеш ичюн сакълап къалдыра.

Иуда 1:6

Озь укюмини сакъламагъан, озьлерининъ яшагъан ерини ташлап кеткен мелеклерни де Рабби буюк суд кунюне къадар эбедий зынджырларнен багълап, зифт къаранлыкъта сакълай.

Сырларнынъ ачылувы 16:15

– Мына, Мен, хырсыз киби, апансыздан келем! Не де бахтлыдыр уяныкъ олгъан адам! Эгер о, урбасыны сакълап турса, чыплакъ юрмейджек, айып ерлери корюнмейджек.

Сырларнынъ ачылувы 20:11

Сонъ буюк бир беяз тахтны ве Тахтта Отургъанны корьдим. Онынъ огюнден ер ве кок ёкъ олды ве бир даа пейда олмады.

Сырларнынъ ачылувы 21:1

Ондан сонъ мен янъы бир кок ве янъы бир ерни корьдим. Эвельки ер ве кок гъайып олды. Денъиз энди ёкъ эди.

Сырларнынъ ачылувы 3:3

Нени эшиткен ве къабул эткен олсанъ, акълынъа кетир ве тёвбе эт. Эгер уяныкъ олмасанъ, Мен, хырсыз киби, келирим, сен исе саат къачта санъа келеджегимни бильмезсинъ.

Сырларнынъ ачылувы 6:14

Кок ярылды ве, бурулгъан кягъыт киби, бурулды. Эр бир дагъ ве ада озь еринден кочьти.