2 Пётр 1:19 - Мукъаддес Китап

¹⁹ Бундан гъайры, бизде пейгъамберлернинъ ишанчлы сёзлери де бар. Олар – кунь догъмагъандже ве сизинъ юрегинъизде танъ йылдызы чыкъмагъандже, къаранлыкъ ерде нур сачкъан чыракътыр. Сизлер оларгъа къулакъ аскъанынъызда, яхшы иш япасынъыз.

2 Пётр 1:19 ပူးပေါင်းရင်းမြစ်များ

Икметли сёзлер 6:23

Эмирлер санъа – лампат, огретювлер – ярыкъ, ве опькели огют – яшайышкъа ёл.

Ешая 14:12

Эй, танъ йылдызы, саарь огълу! Бутюн халкъларны енъдинъ! Шимди исе, кесильген терек киби, ерге йыкъылдынъ!

Ешая 41:26

Мен билейим деп, бунынъ акъкъында башындан ким хабер этти? «О, догъру эди!» – дейик деп, буны ким бильдирди? Кимсе айтмады, кимсе хабер этмеди, кимсе сёзлеринъизни эшитмеди!

Ешая 8:20

Къанунда ве Алланынъ сёзлеринде догърусыны къыдырынъыз. Эгер адамлар буларгъа коре айтмасалар, оларда ярыкъ ёкътыр!

Ешая 9:2

Къаранлыкъта юрген халкъ буюк ярыкъ корьди! Олюм топрагъында, олюм кольгесинде яшагъан адамлар ичюн ярыкъ парылдады.

Матта 4:16

Къаранлыкъта яшагъан халкъ буюк ярыкъ корьди! Олюм топрагъында, олюм саесинде яшагъан адамлар ичюн ярыкъ парылдады.

Юхан 5:35

Ягъя – къандиль, о, яна ве нур сача эди. Сиз онынъ ярыгъында аз олса да, къувана эдинъиз.

Юхан 5:39

Сиз Мукъаддес Языларны дикъкъатнен огренесиз, оларнынъ ярдымынен эбедий аятны алмагъа тюшюнесиз. Бу Язылар исе Меним акъкъымда шаатлыкъ этелер.

Юхан 8:12

Иса кене халкънен лаф этип: – Мен дюньянынъ ярыгъы олам. Ким Меним пешимден кетсе, къаранлыкъта юрмез, лякин онен аят ярыгъы оладжакъ, – деди.

Фаалиет 15:29

путларгъа союлгъан къурбанлыкъ этлеринден, богъулып ольдюрильген айваннынъ этинден ве къан ашавдан, ве ороспулыкътан озьлеринъизни сакъланъыз. Буларны тутып юрсенъиз, яхшы иш япарсынъыз. Сагълыкънен къалынъыз!»

Фаалиет 17:11

Бу ердеки еудийлер Тессалонике сакинлерине бакъкъанда, адам сайгъан халкъ эди. Алланынъ Сёзюни буюк азырлыкънен къабул этип, бу огретюв догъру экенми, деп, кунь-куньден Мукъаддес Языларны араштырып тешкере башладылар.

Еудийлерге 2:2

Кечкен заманларда мелеклернен берильген Къанун пек къатты эди, ве эр тюрлю гуна ве Къануннынъ бозулувы адалетнен джезалана эди.

Якъуп 2:8

Языда: «Якъын адамны озюнъни севгенинъ киби сев», – деп буюрылгъан. Эгер Падишанынъ бу эмирини беджерсенъиз, яхшы япасынъыз.

1 Пётр 1:10

Пейгъамберлер сизлерге бериледжек къуртулышны гъайретнен огрене, анъламагъа тырыша ве сизге азырланаджакъ эйилик акъкъында эвельден айта эдилер.

1 Юхан 5:10

Ким Алланынъ Огълуна инанса, онынъ юрегинде Алланынъ шаатлыгъы бар. Аллагъа инанмагъан исе Алланы яланджы этип косьтере, чюнки Онынъ Озь Огълу акъкъында берген шаатлыгъына инанмай.

3 Юхан 1:6

Олар иманлылар джемиети алдында сенинъ севгинъ акъкъында айтып бердилер. Сен оларны, Алланынъ огюнде кереги киби, ёлгъа азырласанъ, яхшы иш япарсынъ.

Сырларнынъ ачылувы 2:28

Енъеджек адамгъа танъ йылдызыны да береджегим.

Сырларнынъ ачылувы 22:16

– Мен, Иса, иманлылар джемиетлериме бу хаберни айтмагъа сизге Озь мелегимни ёлладым. Мен – Давутнынъ тамырым ве несилим, ярыкъ танъ йылдызым.