2 Пётр 1:12 - Мукъаддес Китап

¹² Шунынъ ичюн, сизлер бу шейлерни бильсенъиз де, акъикъатта къатты турсанъыз да, мен эр вакъыт буларны сизлерге акъылгъа кетиреджегим.

2 Пётр 1:12 ပူးပေါင်းရင်းမြစ်များ

Фаалиет 16:5

Бойледже, топлашувларнынъ иманы къуветленип, сайысы кунь-куньден артты.

Филиплердекилерге 3:1

Бойлеликнен, агъа-къардашларым, Раббиде къуванынъыз! Айны бу шейлер акъкъында язмагъа мен эринмейим, олар сизни белядан къорчалайджакъ.

Колоссайлыларгъа 1:5

Иманынъыз ве севгинъиз пейда олдылар, чюнки сиз коклерде сизге азырлангъан шейлерге умют эттинъиз. Бу умютни сизлер акъикъат сёзюнен, яни сизлерге кельген Къуванчлы Хабернен эшиттинъиз.

Колоссайлыларгъа 2:7

Онда тамыр атып ве Онда озь омрюнъизни къурып, огренгенинъиз киби, иманынъызда къатты олунъыз, чокъ шукюрлер этинъиз.

1 Тимотейге 4:6

Сен буны дин къардашларынъа огретсенъ, Иса Месихнинъ яхшы хызметчиси олурсынъ, ве иман сёзлери ве сен излеген яхшы огретюв санъа кучь берер.

2 Тимотейге 1:6

Шу себептен санъа хатырлатам: къолларымны башынъа къойгъанымда, Алла санъа Рух бахшышынъны багъышлады. Онъа сёнмеге ёл берме.

Еудийлерге 10:32

Эвельки куньлерни акълынъызгъа кетиринъиз. О вакъытта бильги ярыгъыны корьген сонъ, сиз чекишип, чокъ азапларгъа даяндынъыз.

Еудийлерге 13:9

Чешит тюрлю огретювлерге берильменъиз. Сизинъ юреклеринъиз ашлар акъкъында къаиделернен дегиль де, Алланынъ эйилигинен къуветлендиргени яхшы олур эди. Бойле къаиделерге берильгенлер олардан ич бир файда корьмедилер.

1 Пётр 5:10

Эр бир эйиликнинъ саиби олгъан Алла бизни Иса Месихте Озь эбедий шуретине чагъырды. Сиз къыскъа бир вакъыт ичинде азап чеккенинъизден сонъ, Алла Озю сизлерни котереджек, къуветлендиреджек, къавийлештиреджек ве темеллештиреджек.

1 Пётр 5:12

Буны мен Силуаннынъ ярдымынен (меним фикримдже, о, сизинъ ишанчлы къардашынъыз) сизлерге къыскъадан язып алдым, сизлернинъ гонълюнъизни алмагъа ве сизге бойле шаатлыкъ бермеге истедим: шу – Алланынъ акъикъий эйилигидир. Ондан узакълашманъыз!

2 Пётр 1:13

Бу беденимде олгъанымда, буларны акъылгъа кетирмекнен сизлерни уятып турмагъа догъру шей деп тюшюнем,

2 Пётр 1:15

Бу дюньядан кеткенимден сонъ да сизлер эр вакъыт буларны акъылларынъызда тутмакъ ичюн, шимди къолумдан кельгенини япаджагъым.

2 Пётр 3:1

Севгилилерим, энди сизлерге бу экинджи мектюпни язам. Эвель айтылгъанны акъылгъа кетирип, сизде темиз-пак фикирлерни уятмагъа арекет этем

2 Пётр 3:17

Сиз исе, севгилилерим, буны эвельден бильгенинъиз ичюн, мукъайт олунъыз. Ёкъса, сиз къанунсыз яшагъан адамларнынъ яланынен ёлдан уруладжакъсыз ве къатты тургъан еринъизни джояджакъсыз.

1 Юхан 2:21

Мен: «Сиз акъикъатны бильмейсиз», – деп язмадым. Аксине: «Сиз акъикъатны билесиз, ве акъикъатта ич бир ялан ёкътыр», – деп яздым.

2 Юхан 1:2

чюнки акъикъат ичимизде яшай ве эбедиен бизнен оладжакъ):

Иуда 1:17

Сизлер исе, севгилилерим, Раббимиз Иса Месихнинъ эльчилери тарафындан эвельден айтылгъан сёзлерни акъылынъызда тутунъыз.

Иуда 1:3

Севгилилерим, эр биримизнинъ къуртулышы акъкъында язмагъа чокъ истеген олсам да, бир вакъытта азизлерге берильген иман ичюн курешмеге сизге ялварып язмагъа кереклигини корьдим.

Иуда 1:5

Сизлер бунынъ эписини бильсенъиз де, мен сизинъ акълынъызгъа кетирмеге истейим: Рабби Исраиль халкъыны Мысырдан къуртаргъан сонъ, кечче Онъа инанмагъанларны ёкъ этти.