2 Падишалар 8:2 - Мукъаддес Китап

² Сонъ о, моавлыларны енъди. Моавлыларны ерге серип, оларны аркъаннен ольчеп, учьке больди. Эр учюни аркъаннен ольчеп, учьте экисини ольдюрди, бир аркъанны исе сагъ къалдырды. Сонъ моавлылар Давутнынъ къуллары олды ве салым тёледилер.

2 Падишалар 8:2 ပူးပေါင်းရင်းမြစ်များ

2 Падишалар 12:31

Шеэрдеки халкъны чыкъарып, оларны пычкъыларнен, кескин демир алетлернен ве демир балталарнен чалыштырды ве собаларда тола якътырды. Эписи аммонлыларнынъ шеэрлеринен бойле япты. Бундан сонъра Давут ве бутюн халкъ Ерусалимге къайттылар.

2 Падишалар 8:6

Сонъ Давут Дамаск-Арамда къаравул отрядларыны къойды. Арамлылар Давутнынъ къуллары олдылар ве салым тёледилер. Давут баргъан еринде РАББИ оны къорчалай эди.

3 Падишалар 4:21

Сулейман Фират дерьясындан башлап Фелестин топракъларына къадар, тап Мысыр сынъырларына къадар джайрагъан эписи падишалыкъларда укюмдарлыкъ япа эди. Бу мемлекетлер Сулейманнынъ бутюн омрю девамында онъа бахшышлар кетире ве хызмет эте эдилер.

4 Падишалар 1:1

Ахавнынъ олюминден сонъ, Моав Исраильге къаршы котерильди.

4 Падишалар 17:3

Ашшур падишасы Шалманесер Хошеагъа къаршы дженкке чыкъты, ве Хошеа, онынъ къулу олып, берги тёлемеге башлады.

1 Тарих вакъиалары 18:2

Сонъ о, моавлыларны енъди. Моавлылар Давутнынъ къуллары олды ве салым тёлеп башладылар.

2 Тарих вакъиалары 26:8

Аммонлылар Уззиягъа берги тёлей эдилер. О, пек къудретли олгъаны ичюн, онынъ намы Мысыр сынъырларына къадар белли олды.

Зебур 108:9

Балалары оксюз къалсын, апайы тул олсун.

Зебур 60:8

О, Алланынъ огюнде эбедиен турсун, севгиге ве акъикъаткъа буюр, олар оны къорчаласын!

Зебур 83:6

Не де бахтлыдыр кучюни Сенде тапкъан, юрек сокъакълары Сенинъ тарафынъа бакъкъанлар!

Ешая 36:16

Хизкияны динълеменъиз! Ашшур падишасы бойле дей: Меннен барышынъыз ве огюме чыкъынъыз. Сонъра эр кес озь юзюми ве озь инджирлерини ашасын, озь къуюсындан сув ичсин.

Сайылар 24:17

Оны корем, амма шимдилик дегиль. Онъа бакъам, амма О, якъында дегиль. Якъуптан бир йылдыз чыкъаджакъ, Исраильден бир таякъ юкселеджек. О, моавлыларнынъ кенарларыны бозаджакъ, Шетнинъ огъулларыны бутюнлей ёкъ этеджек.

1 Падишалар 10:27

Ярамай кишилер исе: «Омы бизни къуртараджакъ?» – деп, оны ред эттилер ве бахшыш багъышламадылар. Шаул исе бир шей айтмады.

1 Падишалар 14:47

Шаул Исраильнинъ падишасы олгъан сонъ, эр тарафтаки душманларынен дженклешти: Моавнен, аммонлыларнен, Эдомнен, Цова падишаларынен, фелестинлилернен де дженклешти. Кимге къаршы чыкъмасын, эписини енъди.

1 Падишалар 22:3

Давут андан Моавдаки Мицпагъа келип, Моав падишасына: – Алла меним къадиримни бельгилегендже, бабамнен анам сизде къалып турсунлар, – деди.

1 Падишалар 22:4

Оларны Моав падишасына кетирди. Олар анда, Давут къаледе сакълангъаны къадар, отурдылар.