2 Падишалар 7:13 - Мукъаддес Китап

¹³ О, Меним Адыма Сарай къурар, ве Мен онынъ падишалыгъыны эбедий этерим.

2 Падишалар 7:13 ပူးပေါင်းရင်းမြစ်များ

Башланув 49:10

Ехуданынъ къолундан акимиет таягъы тюшмез, аякъларынынъ янындан акимдарнынъ таягъы кетмез. Сонъ Шило келеджек, ве халкълар онъа боюн эгеджеклер.

2 Падишалар 22:51

Сен Озь падишанъны къуртарасынъ, Озь Месихинъе Давуткъа ве эвлятларына эбедиен севгинъни косьтересинъ!

2 Падишалар 7:16

Сенинъ сюляленъ ве падишалыгъынъ эбедиен Меним огюмде къыбырдамай тураджакъ, тахтынъ да эбедиен къаладжакъ», – дей.

2 Падишалар 7:27

Сен, Ордуларнынъ РАББИси, Исраильнинъ Алласы: «Сенинъ эвинъни, сенинъ сюляленъни асыл этерим», – дегенде, манъа шуны ачтынъ. Шунынъ ичюн мен, Сенинъ къулунъ, бойле дува этмеге джесарет таптым.

3 Падишалар 2:24

Шимди, мени къавийлештирген, Давут бабамнынъ тахтына отурткъан, манъа берген сёзюне коре сюлялеме темель къойгъан Тири РАББИнинъ огюнде ант этем: бугунь Адоньяны ольдюрмек керек, – деди.

3 Падишалар 2:4

Сонъ РАББИ меним акъкъымда айткъан сёзлерини беджерир: «Эгер огъулларынъ Меним огюмде ишанчлы олып, джан-юректен ве темиз гонъюльнен яшап, юрген ёлларыны бакъып юрселер, Исраиль тахтында сюляленъ кесильмез», – деди.

3 Падишалар 2:45

Сулейман падишагъа исе шан-шурет олсун, ве Давутнынъ тахты РАББИнинъ огюнде омюрбилля сарсылмайып турсун! – деди.

3 Падишалар 5:5

РАББИ бабам Давуткъа айтты: “Сенинъ огълунъ, сенинъ еринъе тахтынъа Мен отуртаджакъ огълунъ Меним Намыма Сарай къураджакъ”. Бунынъ ичюн мен РАББИге, меним Аллама Сарай къурмагъа ниетлендим.

3 Падишалар 6:12

– Мына сен шимди бу Сарайны къурмакътасынъ. Эгер сен Меним низамнамелеримни, укюмлеримни эда этип, эписи эмирлеримни тутып, оларгъа коре яшасанъ, Мен Давут бабанъа берген сёзюмни сенинъ ярдымынънен беджеририм

3 Падишалар 8:13

Санъа мында даима булунмакъ ичюн, мен Санъа гузельден-гузель Сарай къурдым, – деди.

3 Падишалар 8:15

– РАББИге, Исраильнинъ Алласына бинъ шукюрлер олсун! О, бабам Давуткъа Озю айткъанларыны бугунь Озь къолларынен беджерди! О:

3 Падишалар 8:19

Амма сен шу Сарайны къурмайджакъсынъ. Лякин сенден догъгъан огълунъ Меним Намыма Сарай къураджакъ», – деди.

4 Падишалар 21:4

РАББИ: «Мында Меним Намым оладжакъ», – дегенине бакъмадан, о, РАББИнинъ Сарайында чешит къурбан ерлерини къурды,

4 Падишалар 21:7

Менашше РАББИнинъ Сарайында озю яптыргъан Ашера путуны ерлештирди. Шу Сарай акъкъында РАББИ Давуткъа ве огълу Сулеймангъа: «Шу Сарайда ве Исраильнинъ бутюн къабилелеринден Мен сайлангъан Ерусалим шеэринде Меним Намым даима оладжакъ.

4 Падишалар 8:19

Лякин РАББИ, озюнинъ къулу Давутнынъ хатири ичюн, Ехуда мемлекетини ёкъ этмеге истемеди, чюнки Давутнынъ эвлятларына омюрбилля Ехуданынъ тахтыны бермеге ваде эткен эди.

1 Тарих вакъиалары 28:10

Энди бакъ, Азиз Ер ичюн Эв къурмагъа РАББИ сени сечти. Къавий ол да, ишни башла!

2 Тарих вакъиалары 33:4

РАББИ: «Ерусалимде Меним Намым даима оладжакъ», – деген РАББИнинъ Сарайында къурбан ерлерини къурды.

2 Тарих вакъиалары 6:16

Шимди де, РАББИ, Исраильнинъ Алласы! Меним бабама, къулунъ Давуткъа айткъан сёзлеринъни ерине кетир. Сен онъа: «Эгер сенинъ огъулларынъ, сен Меним огюмде юргенинъ киби, юрген ёлларыны бакъсалар ве Меним Къанунымны беджерселер, Меним огюмде Исраиль тахтындан Сенинъ эвлядынъ кесильмез», – дединъ.

Эюп акъкъында китап 36:7

Козьлерини догъру адамлардан айырмаз, оларны юксельтир ве падишалар оларакъ эбедиен тахткъа отуртыр.

Зебур 72:17

Мен Алланынъ азиз ерине кирмегенимдже, оларнынъ сонъу не оладжагъыны анъламадым!

Зебур 89:4

Сен адамны топракъкъа къайтарасынъ, «Эй, инсан огъуллары, къайтынъыз!» – дейсинъ.

Ешая 49:8

РАББИ бойле дей: – Келишикли вакъытта сени эшиттим, о куню санъа ярдым бердим, сени къуртардым. Сени къорчалайджагъым, халкълар ичюн сени васиет этеджегим, ер юзюни гъайрыдан тиклейджегим, йыкъылгъан ерлерни сабыларына къайтараджагъым,

Ешая 9:6

Бизге бир Бала догъды, бизге бир Огъул берильди! Омузлары устюне акимиет къоюлды. Онъа «Аджайип», «Насиатчы», «Кучьлю Алла», «Эбедий Баба», «Аманлыкъ Падишасы» дейджеклер.

Ешая 9:7

Падишалыкъ эткенине ве акимиети тюбюнде аманлыкъ-тынчлыкъкъа сонъ олмайджакъ. Давутнынъ тахтындан эбедиен падишалыкъ этип, адалетнен ве догърулыкънен падишалыкъны пекитеджек ве къавийлештиреджек. Буларнынъ эписи – гъайрет ве буюк севгинен япылгъан Ордулар РАББИсининъ ишидир.

Йирмея 33:17

РАББИ бойле дей: – Давутнынъ эвлятлары кесильмейип, эбедиен Исраильге падишалыкъ этеджеклер.

Ехезкель 37:25

Мен къулума Якъупкъа берген, баба-деделеринъиз яшагъан топракъларда олар яшайджакълар. Анда эм олар, эм оларнынъ балалары, эм торунлары даима яшайджакълар. Меним къулум Давут исе омюрбилля оларнынъ ёлбашчысы оладжакъ.

Даниял 2:44

О падишалыкъларнынъ заманларында Коклердеки Алла эбедиен йыкъылмайджакъ падишалыкъ къураджакътыр. Бу падишалыкъ башкъа халкъкъа кечмейджектир. О, эписи падишалыкъларны йыкъып гъайып этеджек, озю исе эбедий тураджакътыр.

Зекерья 6:12

Онъа бойле айт: Ордуларнынъ РАББИси бойле дей: Мына, бу адам – Онынъ Ады «Пытакъ». О тамырындан филис киби оседжек ве РАББИнинъ Сарайыны къураджакъ.

Зекерья 6:13

РАББИнинъ Сарайыны къураджакъ ве шан-шуретли оладжакъ. О, падиша оладжакъ ве тахтында башлыкъ этеджек. Озь тахтында руханий де отураджакъ. Оларнынъ экиси бирлик ве муаббет арекет этеджек.

Матта 16:18

Шунынъ ичюн Мен санъа айтам: сен – Пётрсынъ, ве бу къаянынъ устюнде Мен Озь Топлашувымны къураджам. Оны олюлер дюньясынынъ кучьлери биле енъип оламайджакълар.

Еудийлерге 3:3

Эвден эвни къургъан къуруджы урьметли олгъаны киби, Иса Мусадан чокъ шуретке ляйыкътыр.

1 Пётр 2:5

Озьлеринъизден, тири ташлардан киби, Алла рухий бинаны къура. Сонъ сиз, азиз руханийлер олып, Иса Месихнинъ ярдымынен Аллагъа хош кельген рухий къурбанларны кетиреджексинъиз.