2 Падишалар 3:8 - Мукъаддес Китап

⁸ Авнер Иш-Бошетнинъ сёзлерине пек ачувланды ве: – Мен санъа не – Ехуданынъ копегими ёкъса? Мен бугунь бабанъ Шаулнынъ эвине, онынъ агъаларына, достларына садыкъ эдим, сени Давутнынъ къолуна бермедим. Сен исе бир апай ичюн мени къабаатлайсынъ!

2 Падишалар 3:8 ပူးပေါင်းရင်းမြစ်များ

2 Падишалар 16:9

Церуя огълу Авишай падишагъа: – Бу еберген копек эфендим падишаны не ичюн сёге? Барып, онынъ башыны кесип алайым, – деди.

2 Падишалар 2:8

Шаулнынъ орду башлыгъы Нер огълу Авнер, Шаулнынъ огълу Иш-Бошетни алып, Маханаим шеэрине кетирди.

2 Падишалар 3:18

Энди буны япынъыз, чюнки РАББИ Давуткъа: «Къулум Давут ярдымынен Мен Исраиль халкъымны фелестинлилерден ве башкъа эписи душманларындан къуртараджагъым», – деди.

2 Падишалар 3:9

Шимди ант этем, ве антымны бозсам, Алла бойнумны урсун! РАББИ Давуткъа насыл емин эткен олса, онъа ойле де япарым:

2 Падишалар 5:2

Эвеллери, Шаул бизге падишалыкъ япкъанда, сен Исраиль халкъыны дженклерге алып кете эдинъ, РАББИ санъа: «Сен Меним халкъыма Исраильге чобан оладжакъсынъ, оларнынъ ёлбашчысы оладжакъсынъ», – деди, – дедилер.

2 Падишалар 9:8

– Мен ким олгъаным? Не ичюн манъа, еберген копекке, дикъкъат эттинъ? – деди, урьметини бильдирип Мефивошет.

4 Падишалар 8:13

Хазаэл: – Мен, къулунъ, бир копек, бойле буюк шейни насыл япа биледжегим? – деп сорады. Эль-Яса онъа джевап берип: – РАББИ манъа сенинъ Арамнынъ падишасы оладжагъынъны косьтерди, – деди.

Зебур 76:10

Алла мерамет эйлемекни унуткъанмы, шефкъатыны гъазап къапладымы?» Сэла

Ешая 37:23

Кимни сёгдинъ, кимни ашаладынъ? Кимге сес котерип, юкъарыдан бакътынъ? Исраильнинъ Азизине!

Къануннынъ текрары 23:18

Ороспулыкънен къазангъан акъчаны не апайгъа, не акъайгъа бир тюрлю адакъ беджермек ичюн, Алланъ олгъан РАББИнинъ Эвине кирсетмеге ёл берме. Эм биринджиси, эм экинджиси Алланъ олгъан РАББИнинъ огюнде писликтир.

1 Падишалар 15:28

О вакъыт Смаил: – Бугунь РАББИ сенден Исраиль падишалыгъыны тутып алды, оны сенден яхшысына, сенинъ якъынынъа берди.

1 Падишалар 17:43

– Сен манъа не таякъ котерип чыкътынъ: мен санъа копекми ёкъса? – деди фелестинли ве, озь аллаларыны чагъырып, Давутны къаргъады.