2 Падишалар 23:3 - Мукъаддес Китап

³ Исраиль Алласы, Исраильнинъ Къаясы манъа деди: Адамларгъа адалетли падишалыкъ япкъан адам, Алладан къоркъып падишалыкъ япкъан адам –

2 Падишалар 23:3 ပူးပေါင်းရင်းမြစ်များ

Башланув 33:20

Анда къурбан ери къурып, оны «Алла – Исраильнинъ Алласы» деп адландырды.

2 Падишалар 22:32

РАББИден гъайры, башкъа Алла бармы? Алламыздан гъайры, башкъа сарсылмаз къая бармы?

2 Падишалар 8:15

Давут бутюн Исраильге падишалыкъ япты, озюнинъ бутюн халкъыны акълы суд этти.

3 Падишалар 10:9

Сенден разы олгъан, сени Исраиль тахтына отурткъан Алланъ олгъан РАББИге чокътан-чокъ шукюрлер олсун! Исраильге олгъан эбедий севгиси ичюн РАББИ сени укюмдарлыкъ этмек ве акъкъикъатны къорчаламакъ ичюн падиша этти!

Нехемья 5:14

Бундан да гъайры, мен Ехуда топрагъынынъ виляет башлыгъы олып тайинленген куньден, Артахшаста падишалыгъынынъ 20-нджи йылындан 32-нджи йылына къадар, 12 йыл девамында мен ве агъа-къардашларым виляет башлыгъынынъ ашларыны ашамадыкъ.

Эюп акъкъында китап 34:17

Акъикъатны кореджек козю олмагъан бири башлыкъ этип олурмы? Догърулыкъта буюк Алланы яманлыкъ япкъанында къабаатларсынъмы?

Зебур 110:2

РАББИнинъ ишлери буюктир, оларда зевкъ тапкъанларнынъ эписи оларны огренелер.

Зебур 72:1

Исраильге, бутюн темиз юреклилерге Алла мытлакъа яхшылыкъ япар!

Зебур 72:2

Мен исе, меним аякъларым аз къалды абынаджакъ эди, табанларым аз къалды таяджакъ эди.

Чыкъыш 18:21

Озюнъе бутюн халкътан къабилиетли, Алладан къоркъкъан, ачкозь олмагъан ве адалетли адамларны сайлап ал да, оларны халкънынъ устюне бинъбашы, юзбашы, эллибашы ве онбашы оларакъ къой.

Чыкъыш 20:2

– Мен – РАББИм, сенинъ Алланъдырым. Мен сени Мысыр топрагъындан, сен къуллукъ эткен ерден алып чыкътым.

Чыкъыш 3:15

Алла Мусагъа даа бойле деди: – Исраиль огъулларына айт: Мени сизге РАББИ, бабаларынъызнынъ Алласы, Ибраимнинъ Алласы, Исхакънынъ Алласы ве Якъупнынъ Алласы ёллады. Бу – эбедиен Меним Адым. Мени несильден несильге бойле деп акъылларында тутарлар, – айт.

Икметли сёзлер 31:9

Акъикъатны къорумакъ ве заваллынен фукъаренинъ акъларыны къорчаламакъ ичюн айт!»

Ешая 32:1

Бакъынъыз, Падиша адалетли падишалыкъ этеджек, башлыкълар догърулыкънен суд этеджек.

Йирмея 23:5

– Мына, бойле куньлер келеята ки, Мен Давутнынъ эвлядыны, Инсафлы Пытакъны юксельтеджегим, – дей РАББИ. – Падиша падишалыкъ этмеге башлайджакъ. О, акъыллы олып, ер юзюнде адалетнен суд этеджек.

Зекерья 9:9

Эй, Сион къызы, чокъ къуван! Къуванчтан къычыр, эй, Ерусалим къызы! Мына, сенинъ падишанъ санъа келе! О, къабаатсыз. О, къуртарув бере. О, алчакъгонъюлли, эшек устюнде, эшек баласы устюнде отура!

Къануннынъ текрары 32:4

О – Къаядыр! Япкъанлары къусурсыз, ёллары адалетлидир. О – ишанчлы Алла, Онда акъикъатсызлыкъ ёкъ, О догъру ве инсафлыдыр!

Еудийлерге 1:8

Огъул акъкъында исе бойле айтыла: «Эй, Алла, Сенинъ тахтынъ эбедийдир; догърулыкънен падишалыкъ япасынъ.