2 Падишалар 21:7 - Мукъаддес Китап

⁷ Лякин Шаулнынъ огълу Ёнатангъа РАББИ Адынен ант эткени ичюн, Давут падиша Шаулнынъ торуны, Ёнатаннынъ огълу Мефивошетни аджып, оны бермеди.

2 Падишалар 21:7 ပူးပေါင်းရင်းမြစ်များ

2 Падишалар 16:4

Падиша Цивагъа: – Мен шимди санъа Мефивошетнинъ бутюн мал-мулькюни берейим, – деди. Цива, бель букип: – Эфендим падишанынъ огюнде мерамет къазанайым! – деди.

2 Падишалар 19:25

О, Ерусалимден падишаны къаршылап чыкъкъанда, падиша онъа: – Сен, Мефивошет, не ичюн меннен берабер кетмединъ? – деп сорады.

2 Падишалар 4:4

Шаул огълу Ёнатаннынъ Мефивошет адлы, аякълары топал огълу бар эди. О, беш яшында олгъанда, Йизреэлден Шаул ве Ёнатаннынъ олюми акъкъында хабер кельди. Даясы оны алып къачты. Ашыкъып къачкъанда, бала тюшти ве аякъалары зарарланды. Бундан сонъ топаллап башлады.

2 Падишалар 9:1

Давут: – Шаулнынъ сой-сопларындан кимсе къалмадымы? Мен Ёнатаннынъ хатири ичюн бу адамгъа бирде-бир яхшылыкъ япар эдим, – деди.

2 Падишалар 9:10

Сен де, огъулларынъ да, къулларынъ да онынъ тарлаларында чалышынъыз ве, эфендинънинъ торунында ашамалыкъ отьмеги олсун деп, тарлалардаки махсулларны кетиринъиз. Эфендинънинъ торуны Мефивошет даима меним софрамда отьмек ашайджакъ. Циванынъ 15 огълу ве 20 къулу бар эди.

2 Падишалар 9:6

Шаул огълу олгъан Ёнатаннынъ огълу Мефивошет, Давуткъа келип, бет устюне йыкъылып, урьметини бильдирди. Давут: – Мефивошет! – деди. – Э, мына мен, сенинъ къулунъым, – деди Мефивошет.

2 Падишалар 9:7

– Къоркъма! Ёнатан бабанънынъ хатири ичюн мен санъа бирде-бир яхшылыкъ япарым, Шаул къартбабанънынъ бутюн тарлаларыны санъа къайтарып берерим. Сен меним софрамда эр вакъыт отьмек ашарсынъ, – деди онъа Давут.

Джемаат башы 8:2

Падишанынъ сёзлерини ве Алланынъ огюнде берген антынъны тут.

1 Падишалар 18:3

Ёнатан Давутнен берабер бирлешме къурды, чюнки оны озюни севгени киби севди.

1 Падишалар 20:12

Ёнатан Давуткъа: – РАББИнинъ, Исраиль Алласынынъ огюнде ант этем! Ярын я да о бириси куню бабама хаберим олгъаныны косьтермейип сорап бакъайым. Эгер онынъ санъа мунасебети яхшы олса, мен исе бу хаберни санъа шу ань еткизмесем,

1 Падишалар 20:15

Ольгенимден сонъ биле, РАББИ бутюн ер юзюнден Давутнынъ душманларыны сильсе, мераметинъни союмдан кесме, – деди.

1 Падишалар 20:17

Ёнатан Давутны севгенине кене ант этти. О, Давутны озюни севгени киби севе эди.

1 Падишалар 20:42

Сонъ Ёнатан Давуткъа: – Аман-эсен бар, – деди. – Биз экимиз РАББИнинъ Адынен ант эттик: «РАББИ экимизнинъ арамызда, эвлятларымызнынъ арасында да омюрбилля шаат олсун».

1 Падишалар 20:8

Сен исе къулунъа мераметли ол, чюнки сен къулунънен берабер РАББИнинъ огюнде бирлешме къурдынъ. Эгер къабаатым олса, мени ольдюр. Мени бабанъа алып кетмеге не керек? – деди.

1 Падишалар 23:18

Олар РАББИнинъ огюнде анълашма яптылар. Сонъра Давут Хореште къалды, Ёнатан исе эвине кетти.

1 Падишалар 24:22

Энди манъа РАББИнинъ огюнде ант эт: мен ольген сонъ, эвлятларымны ёкъ этмейджексинъ ве бабамнынъ эвинден адымны сильмейджексинъ, – деди.