2 Падишалар 20:1 - Мукъаддес Китап

¹ Шу ерде ярамай бир биньяминли адам – Бикрийнинъ огълу Шева бар эди. О, бору чалып: – Давутта бизим пайымыз ёкъ! Йишай огълунда мирасымыз ёкъ! Эй, исраиллилер, эр биринъиз озь чадырынъызгъа къайтынъыз! – деди.

2 Падишалар 20:1 ပူးပေါင်းရင်းမြစ်များ

Башланув 46:21

Биньяминнинъ огъуллары: Бела, Бекер, Ашбел, Гера, Нааман, Эхий, Рош, Муппим, Хуппим ве Ард.

2 Падишалар 15:10

Авишалом, бутюн Исраиль къабилелерине гизли хаберджилерни ёллап: – Бору сеслерини эшиткенде: «Авишалом Хевронда падиша олды», – денъиз, – деди.

2 Падишалар 16:11

Давут Авишайгъа ве хызметчилерине даа бойле деди: – Эгер менден догъгъан догъмуш огълум мени ольдюрмеге истесе, биньяминли адамдан не къыдырасынъ? Оны озь башына къалдырынъыз, сёгюне берсин. Буны онъа РАББИ эмир этти.

2 Падишалар 16:7

Шимий, лянетлер ягъдырып: – Кет, ёкъ ол, къатиль ве бир шейге ярамагъан адам!

2 Падишалар 18:17

Авишаломны алып, дагъдаки терен чукъургъа аттылар, устюни бир оба ташнен къапаттылар. Бутюн исраиллилер исе эр кес озь чадырына къачты.

2 Падишалар 20:2

Шу вакъыт эписи исраиллилер Давутны къалдырып, Бикрийнинъ огълу Шева артындан кеттилер. Ехудалылар исе Иордан озенинден Ерусалимге къадар падишанен берабер бардылар.

2 Падишалар 20:22

Сонъ шу къадын халкъ арасында акъыллы сёзлерини даркъатты, ве Бикрий огълу Шеванынъ башыны кесип, Ёавгъа аттылар. О заман Ёав бору чалды. Аскерлер шеэрден чекилип, озь эвлерине даркъалдылар. Ёав исе Ерусалимге падишанынъ янына къайтты.

2 Падишалар 23:6

Ярамай адамлар исе эльнен тутулмаз тикен киби четке атыладжакъ.

3 Падишалар 12:16

Бутюн исраиллилер, падиша оларны динълемегенини корип, падишагъа джевап берип: – Давуттан бизге не файда? Йишай огълунда бир пайымыз ёкъ. Эй, Исраиль! Эвлеринъизге къайт! Сен де, Давут, озь сюляленъе озюнъ бакъ! – дедилер, ве бутюн Исраиль озь чадырларына къайтты.

3 Падишалар 21:10

Онынъ къаршысына эки ярамай адам отуртынъыз. Олар Навоткъа къаршы: “Сен Алланы ве падишаны яманладынъ”, – деп шаатлыкъ этсинлер. Сонъ оны чыкъарып, ташларнен урып ольдюринъиз, о ольсюн».

2 Тарих вакъиалары 10:16

Бутюн Исраиль, падиша оларны динълемегенини корип, падишагъа бойле джевап берип: – Давуттан бизге не файда? Йишай огълунда бир пайымыз ёкъ. Эй, Исраиль! Эвлеринъизге къайт! Сен де, Давут, озь сюляленъни озюнъ бакъ! – дедилер, ве бутюн Исраиль озь чадырларына къайтты.

2 Тарих вакъиалары 10:6

Реховоамнынъ бабасы Сулейман сагъ олгъанда, онъа хызмет эткен акъсакъаллар бар эди. Падиша оларнен акъыл танышып, буны сорады: – Бу халкъкъа насыл джевап берейим? Сиз насыл меслеат берерсинъиз?

Зебур 17:13

Онынъ къаранлыгъы огюнде йылтырагъан нур джайыла, ондан бурчакъ ве комюр алеви чыкъа.

Зебур 34:19

Бош ерде манъа душман олгъанлар тантана япмасын, себепсиз нефрет эткенлер бири-бирине козь къыпмасын.

Икметли сёзлер 25:8

Судгъа даванъны еткизмеге ашыкъма. Сонъунда башкъасы сени масхара этсе, не япаджакъсынъ?

Икметли сёзлер 26:21

Къор ичюн – комюр, атеш ичюн – одун, къавгъаны да алевлендирмек ичюн – ошекчи керек.

Марк 3:24

Эгер бир падишалыкъ озь ичинден болюнсе, о падишалыкъ аякъта туралмаз.

Лука 19:14

Мемлекетининъ халкъы исе мырзадан нефретлене экен. Олар онынъ артындан эльчилерни ёллап: «Бу адам бизге падиша олгъаныны истемеймиз», – деп илян этелер.

Лука 19:27

Энди меним падиша олгъанымны истемеген анавы душманларымны мында кетиринъиз де, козюм огюнде ольдюринъиз», – дей.

Юхан 13:8

– Меним аякъларымны ич бир вакъыт ювмайджакъсынъ! – деди Пётр. – Эгер ювмасам, Меннен бирликте пайынъ олмайджакъ, – деди Иса.

Къануннынъ текрары 13:13

сизинъ аранъызда бош, ярамаз адамлар пейда олгъанларыны ве шеэр сакинлерини ёлдан урып, сизге белли олмагъан аллалар акъкъында: «Айдынъыз, башкъа аллаларгъа хызмет этейик», – дегенлерини эшитсенъ,

Къадылар 19:22

Ёлджулар раатланаяткъанда, шеэр сакинлери, бир талай олмайджакълар, эвни сарып, къапуны такъылдатып башладылар. Олар эв саиби къарткъа: – Мусафирнинъ намусына токъунмакъ ичюн, оны бизге чыкъар, – дедилер.

Къадылар 3:27

Эхуд келип, Эфраим дагъында бору чалды, ве Исраиль огъуллары онен берабер дагъдан тюштилер. Эхуд оглеринде кетмекте эди.

Рут акъкъында китап 2:3

Рут барды ве тарлаларда оракъчыларнынъ артындан башакъ джыймагъа башлады. Бойле олды ки, о тарланынъ къысмы Элимелекнинъ союндан олгъан Боазнынъки эди.

1 Падишалар 13:2

Микмаста ве Бет-Эль дагъында Шаулнен берабер 2 000 адам, Биньямин топракъларында олгъан Гивада Ёнатаннен берабер даа 1 000 адам бар эди. Къалгъанларны исе о, озь эвлерине йиберди.

1 Падишалар 2:12

Элийнинъ огъуллары ярамай адамлар эди, РАББИни урьмет этмей,

1 Падишалар 30:22

Сонъ Давутнен кеткен бир къач яман ве бир шейге ярамайджакъ адамлар: – Олар бизнен берабер кетмегенлери ичюн, айды, оларгъа авдан бир шей бермейик, тек озьлерининъ къадын ве балаларыны алсынлар да кетсинлер, – дедилер.