2 Падишалар 19:27 - Мукъаддес Китап

²⁷ Къулум исе эфендим падишагъа меним акъкъымда ботен шейлер айтты. Лякин сен, падиша-эфендим, Алланынъ мелеги кибисинъ. Санъа не догъру олып корюнсе, шуны яп.

2 Падишалар 19:27 ပူးပေါင်းရင်းမြစ်များ

2 Падишалар 14:17

Падиша-эфендимнинъ сёзю мени тынчландырсын. Падиша-эфендим – Алланынъ мелеги кибидир, эм яхшы, эм ярамай шейлерни динълер. РАББИ, сенинъ Алланъ сеннен берабер олсун, – деди.

2 Падишалар 14:20

Къулунъ Ёав шимдики вазиетни денъиштирмек ичюн буны япты. Амма эфендим Алланынъ мелеги киби акъыллыдыр ве ер юзюндеки эр шейни биле, – деди.

2 Падишалар 16:3

Падиша: – Эфендинънинъ огълу къайда? – деп сорады. Цива падишагъа джевап берип: – Ерусалимде къалды. О: «Энди исраиллилер къартбабамнынъ падишалыгъыны манъа къайтарып берер», – дей, – деди.

2 Падишалар 16:4

Падиша Цивагъа: – Мен шимди санъа Мефивошетнинъ бутюн мал-мулькюни берейим, – деди. Цива, бель букип: – Эфендим падишанынъ огюнде мерамет къазанайым! – деди.

2 Падишалар 19:17

Онен берабер бир бинъ биньяминли, Шаулнынъ хызметчиси Цива ве онынъ 15 огълу ве 20 къулу Иордангъа, падишаны къаршыламагъа чапып кельдилер.

2 Падишалар 9:13

Мефивошет озю Ерусалимде отура эди, чюнки даима падишанынъ софрасында отурып ашай эди. Онынъ эки аягъы топал эди.

2 Падишалар 9:3

– Шаулнынъ сой-сопларындан башкъа кимсе къалмадымы? Мен онъа Алладан кельген бирде-бир яхшылыкъ япар эдим, – деди падиша. – Ёнатаннынъ бир огълу бар, онынъ эки аягъы топал, – деди падишагъа Цива. Падиша ондан:

Зебур 101:5

Юрегим – къуругъан ве йыкъылгъан от киби, отьмегимни ашамагъа биле унутам.

Зебур 15:3

Ер юзюнде олгъан азиз адамларгъа, асылзаделерге, оларнынъ эписине меним бутюн муратларым.

Чыкъыш 20:16

Якъын адамгъа къаршы ялан шаатлыкъ этме.

Йирмея 9:4

– Эр кес достундан сакъынсын, къардашларынынъ ич бирине ишанмасын; эр къардаш башкъасына къапкъан къоя, эр дост башкъасыны яманлай.

1 Падишалар 29:9

Акиш Давуткъа джевапланып: – Джанынъ раат олсун, сен манъа Алланынъ Мелеги киби яхшысынъ, лякин Фелестин башлыкълары: «О бизнен берабер дженкке кетмесин», – дедилер.