2 Падишалар 19:10 - Мукъаддес Китап

¹⁰ Бизге падишалыкъ япмакъ ичюн ягънен сюртюльген Авишалом ольди, дженкте эляк олды. Айса шимди не ичюн падишаны кери къайтармагъа керек демейсинъиз? – дей эдилер.

2 Падишалар 19:10 ပူးပေါင်းရင်းမြစ်များ

2 Падишалар 15:14

Давут Ерусалимде онынъ янында олгъан хызметчилерине: – Айды, тез-тез къачайыкъ. Авишаломдан къуртарылып оламамыз. О, бизге уджюм этип, чокътан-чокъ зарар кетиреджек, бизни де ольдюреджек, шеэрни де къылычтан кечиреджек, – деди.

2 Падишалар 15:16

Сонъ падиша ве бутюн эвиндекилери онынъ артындан джаяв кеттилер. Эвни бакъмакъ ичюн, падиша он дане джариесини къалдырды.

2 Падишалар 18:14

Ёав онъа: – Сеннен отурмагъа вакътым ёкъ, – деп, элине учь дане мызракъ алып, барды ве эмен терегинде асылгъан ве даа сагъ олгъан Авишаломнынъ юрегине саплады.

2 Падишалар 19:11

Давут падиша руханийлер олгъан Цадокъ ве Авиатаргъа хабер ёллады: – Ехуда акъсакъалларына айтынъыз: «Не ичюн сизлер падишаны эвине къайтарув ишинде сонъки адамлар олмагъа истейсинъиз? Бутюн Исраильде айтылгъан сёзлер манъа келип етти.

2 Падишалар 19:40

Падиша Гилгалгъа ёл алды, Кимхам да онен берабер кетти. Бутюн Ехуда халкъы ве исраиллилернинъ ярысы падишаны озгъардылар.

2 Падишалар 19:9

Эписи Исраиль къабилелеринде адамлар давалашып: – Падиша бизни душманларымыздан къорчалады, бизни фелестинлилерден къуртарды, энди исе бу ерден Авишаломдан къачып кетти.

Хошеа 8:4

Менден сорамайып, озьлерине падишаларны къойдылар, хаберим олмайып, башлыкъларыны сайладылар. Кумюш ве алтынларындан озьлерине путлар ясады, шунынъ ичюн де олар гъайып олды.

Къадылар 18:9

Олар: – Айдынъыз, барып, шу халкънен дженклешейик! Оларнынъ топрагъыны корьдик. О, пек гузельдир! Не беклеп отурасынъыз? Чокъ созманъыз, сеферге чыкъайыкъ да, шу топракъларны запт этейик!