2 Падишалар 18:9 - Мукъаддес Китап

⁹ Авишалом Давутнынъ аскерлеринен расткельди. О, къатыр устюнде эди. Къатыр буюк эмен терегининъ тюбюне къачкъанда, Авишаломнынъ сачлары терекнинъ пытакъларына илишти, ве о, ернен кок арасында асылып къалды. Тюбюндеки къатыр исе къачып кетти.

2 Падишалар 18:9 ပူးပေါင်းရင်းမြစ်များ

2 Падишалар 13:29

Авишаломнынъ йигитлери, о, насыл эмир эткен олса, Амнонгъа ойле де яптылар. О вакъыт падишанынъ эписи огъуллары къатырларына отурып къачтылар.

2 Падишалар 14:26

О, сачларыны, агъыр олгъанлары ичюн, эр йыл къыркъа эди. Оларны къыркъкъанда, сачларынынъ агъырлыгъы падишанынъ ольчюсине коре эки кило ола эди.

2 Падишалар 17:23

Ахитофел, насиаты беджерильмегенини корип, эшегини екти, азырланып ёлгъа чыкъты, шеэрине, эвине кельди, къорантасына сонъки эмирлерини берди, сонъ озь-озюни асып ольдюрди. Оны бабасынынъ къабринде дефн эттилер.

2 Падишалар 18:10

Адамларнынъ бириси буны корип, Ёавгъа: – Мен эмен терегинде асылып къалгъан Авишаломны корьдим, – деди.

2 Падишалар 18:14

Ёав онъа: – Сеннен отурмагъа вакътым ёкъ, – деп, элине учь дане мызракъ алып, барды ве эмен терегинде асылгъан ве даа сагъ олгъан Авишаломнынъ юрегине саплады.

2 Падишалар 18:8

Дженк бутюн ерлерге джайрады, о куню дагъда гъайып олгъанлар къылычтан эляк олгъанлардан зияде олды.

Эюп акъкъында китап 31:3

Адалетсиз адамларгъа О, беля ёлламайджакъмы? Акъсызлыкъ япкъанларгъа бахытсызлыкъ бермейджекми?

Икметли сёзлер 20:20

Ана-бабасыны къаргъагъан адамнынъ чырагъы гедже къаранлыгъынен сёнер.

Икметли сёзлер 30:17

Бабасыны мыскъыллагъан ве анасынынъ сёзюни динълемеген адамнынъ козюни вадийдеки къаргъалар чокъуп чыкъараджакъ, о, къартал балаларына аш олур.

Йирмея 48:44

– Къоркъудан къачкъан чукъургъа тюшеджек, чукъурдан чыкъкъан къапкъангъа тюшеджек! Моавнынъ башына джезалав йылыны ёллайджагъым, – дей РАББИ.

Матта 27:5

Иуда исе акъчаларны Сарайда котерип атты ве о ерден кетип, озюни асты.

Марк 7:10

– Муса шойле айткъан эди: «Бабасыны я да анасыны къаргъагъан адам ольдюрильсин».

Галатиядакилерге 3:13

Месих биз ичюн лянет олды ве бизни Къанун лянетинден сатын алып къуртарды. Бу акъта язылгъан ки, теректе эр бир асылып къалдырылгъан адам лянетлидир.

Къануннынъ текрары 21:23

онынъ джеседи теректе геджелемесин. Мытлакъа оны о куню де дефн эт. Теректе эр бир къалдырылгъан адам Алланынъ огюнде лянетлидир. Алланъ олгъан РАББИ санъа мульк оларакъ береджек топракъны арамлама.

Къануннынъ текрары 27:16

«Ана-бабасыны урьмет этмеген адамгъа лянет!» Бутюн халкъ: «Амин!» – десин.

Къануннынъ текрары 27:20

«Бабасынынъ апайынен яткъан адамгъа лянет, чюнки о, бабасыны масхара этти». Бутюн халкъ: «Амин!» – десин.