2 Падишалар 16:1 - Мукъаддес Китап

¹ Давут дагъдан бираз энгенде, онынъ къаршысына Мефивошетнинъ хызметчиси Цива расткеле. О, эки эшекнинъ аркъасына 200 отьмек, 100 дане юзюм багъы, 100 дане емиш багъы ве бир шарапкъа толу мешин торба юклеп келе эди.

2 Падишалар 16:1 ပူးပေါင်းရင်းမြစ်များ

2 Падишалар 15:30

Давут исе агълай-агълай Зейтюн дагъына чыкъты. Онынъ башы къапалы эди, озю ялынаякъ кете эди. Онен берабер олгъан адамлар да башларыны къапатып агълай-агълай кете эдилер.

2 Падишалар 15:32

Давут Аллагъа ибадет эткен тёпеге чыкъкъанда, онъа аркълы Хушай расткельди. Устюндеки урбасы йыртыкъ, башы устюнде топракъ эди.

2 Падишалар 19:17

Онен берабер бир бинъ биньяминли, Шаулнынъ хызметчиси Цива ве онынъ 15 огълу ве 20 къулу Иордангъа, падишаны къаршыламагъа чапып кельдилер.

2 Падишалар 19:32

Барзиллай озю 80 яшларында, пек къарт ве пек зенгин адам эди. Падиша Маханаим шеэринде олгъанда, Барзиллай онъа аш-сув кетире эди.

1 Тарих вакъиалары 12:40

Йиссакъар, Зевулун ве Нафталий къабилелеринден олгъан къомшулары да эшеклерге, девелерге, къатырларгъа ве огюзлерге юклеп ашайт махсуллар кетире эдилер. Мында чокътан-чокъ ун, къуру инджир, юзюм къурусы, шарап, зейтюн ягъы, къой-эчки ве туварлар кетириле эди, чюнки Исраильде буюк къуванч бар эди.

Икметли сёзлер 18:16

Анълагъан акъыл-бильги топлай, икметлининъ къулагъы да бильги къыдыра.

Йирмея 40:10

Мен Мицпада къалып, бизге келеджек къасдийлилерге хызмет этеджегим. Сизлер исе шарап, яз мейваларыны, зейтюн ягъыны топланъыз, савутларынъызгъа къоюнъыз ве ерлешкен шеэрлеринъизде яшанъыз, – деди.

Йирмея 40:12

къувалангъан ерлеринден къайтып, Ехуда топрагъына, Мицпа шеэрине, Гедальягъа кельдилер, пек чокъ шарап ве яз мейваларыны джыйдылар.

Амос 8:1

РАББИ-ТААЛЯ манъа буны косьтерди: Мына, бир сепет пишкен мейва.

Микъа 7:1

Вай, башыма беля тюшти! Юзюм джыйылгъан сонъ багъчагъа кирген адамгъа ошадым, язда мейва джыйылгъандан сонъ багъчагъа кирген, амма бир шей тапалмагъан адамгъа ошадым. Ашамагъа бир салкъым юзюм ёкъ, джаным истеген бир дане пишкен инджир ёкъ.

1 Падишалар 10:3

Андан ёлунъны девам этип, Тавор эмен орманына келеджексинъ, шу ерде сени Аллагъа ибадет этмеге Бет-Эльге кеткен учь адам расткетиреджек. Бирисинде учь улакъ, дигеринде учь отьмек, учюнджисинде шарап толу мешин торба.

1 Падишалар 16:20

Йишай отьмек, бир мешин торба шарап эшекке юклеп ве бир улакъны алып, огълу Давутнен Шаулгъа йиберди.

1 Падишалар 25:18

О заман Авигаил ашыкъып, 200 дане отьмек, эки дане шарап толу мешин торба, беш дане пишмеге азыр олгъан къой, беш буюк савут къавурылгъан богъдай данелери, 100 багъ къурутылгъан юзюм, 200 тёгерек басылгъан инджир алып, эшеклерге юкледи