2 Падишалар 15:27 - Мукъаддес Китап

²⁷ Падиша руханий Цадокъкъа: – Козь-къулакъ ол! Эсен-аман шеэрге къайт. Огълунъ Ахимаац ве Авиатар огълу Ехонатан – сиз бу эки огълунъызнен берабер къайтынъыз.

2 Падишалар 15:27 ပူးပေါင်းရင်းမြစ်များ

2 Падишалар 15:34

Лякин шеэрге къайтып, Авишаломгъа: «Падишам, мен сенинъ къулум, бугуньге къадар бабанънынъ къулу эдим. Шимди исе сенинъ къулунъ оладжагъым», – деп, меним хатирим ичюн Ахитофелнинъ насиатыны боз.

2 Падишалар 15:36

Оларнен берабер эки огъуллары да бар: Цадокънынъ огълу Ахимаац ве Авиатарнынъ огълу Ехонатан. Олардан эшиткен эр бир хаберни манъа ёлла, – деди.

2 Падишалар 17:17

Ехонатан ве Ахимаац Эн-Рогель янында эдилер, чюнки озьлерине шеэрде корюнмеге чарелери ёкъ эди. Бир хызметчи къыз оларгъа келип, эр шейни айтып бере эди. Олар исе Давут падишагъа хабер эте эдилер.

2 Падишалар 18:19

Цадокъ огълу Ахимаац Ёавгъа: – Мен чапайым, падишагъа: «РАББИ сени душманларынъдан къуртарды», – деген хаберни еткизейим, – деди.

2 Падишалар 24:11

Давут эртеси куню тургъанда, гизли шейлерни бильген Гъад пейгъамбер РАББИден бойле хабер алды:

3 Падишалар 1:42

О, даа айткъанда, руханий Авиатарнынъ огълу Ехонатан кельди, ве Адонья: – Кир, сен яхшы адамсынъ ве яхшы хабер кетиресинъ, – деди.

3 Падишалар 4:15

Ахимаац – Нафталий еринде (о озюне къадын оларакъ Сулейманнынъ къызы Басематны алды);

1 Тарих вакъиалары 25:5

Булар эписи падишанынъ хызметчисининъ, гизли шейлерни бильген Хеманнынъ огъуллары эди. Олар, Алланынъ вадесине коре, онъа берильген эди ве РАББИни шерефлемек керек эдилер. РАББИ Хемангъа он дёрт огълан ве учь къыз берди.

1 Тарих вакъиалары 6:8

Ахитувдан Цадокъ догъды, Цадокътан Ахимаац догъды.

1 Падишалар 9:6

Лякин хызметчи онъа: – Мына бу шеэрде бир Алланынъ адамы бар, оны эр кес урьмет эте. О, не айтса, эр шей ола экен. Айды, шимди анда барайыкъ. Бельки о бизге догъру ёл корьсетир, – деди.

1 Падишалар 9:9

(Шу куньлерде Исраильде бирев Алладан бир шей сорамагъа барса: «Гизли шейлерни бильген адамгъа барайыкъ», – дегенлер. Шимди «пейгъамбер» деп адландырылгъан адамгъа эвеллери «гизли шейлерни бильген адам» дегенлер.)