2 Падишалар 14:11 - Мукъаддес Китап

¹¹ Къадын: – Падишам, Алланъ олгъан РАББИнинъ Адынен ант эт, къан ичюн къан аладжакъ адамлар чокълашмасын ве огълумны ёкъ этмесинлер, – деди. Падиша: – РАББИнен ант этем! Огълунънынъ башындан бир сач биле тюшмез, – деди.

2 Падишалар 14:11 ပူးပေါင်းရင်းမြစ်များ

Башланув 14:22

Амма Ибрам Содом падишасына бойле деди: – РАББИге, Юдже Аллагъа, коклернинъ ве ернинъ Яратыджысына къолумны котерип,

Башланув 31:50

Эгер сен къызларымнынъ джанларыны агъырттырсанъ, я да олардан гъайры озюнъе даа апай алсанъ, бакъ, арамызда адам олмаса да, бизге Алла шааттыр, – деди.

2 Падишалар 14:10

Падиша: – Ким санъа къаршы чыкъса, оны манъа кетир, ве о, санъа башкъа тиймез, – деди.

2 Падишалар 14:12

Къадын: – Падиша-эфендиме даа бир сёз сёйлемеге рухсет бер, – деди. Падиша: – Айт, – деди.

2 Падишалар 14:21

Сонъ падиша Ёавгъа: – Айды, сенинъ дегенинъ олсун. Энди бар, Авишаломны къайтар, – деди.

3 Падишалар 1:52

Сулейман: – Эгер о яхшы адам олса, онынъ башындан бир дане сач биле тюшмез, эгер де яман олса, олер, – деди.

Йирмея 4:2

РАББИнинъ Адынен ант этип, акъикъатнен, адалетнен ве догърулыкънен ант этеджексинъ; Рабби халкъларгъа яхшылыкъ этеджек, ве олар Оны макътайджакълар.

Сайылар 35:19

Ольгеннинъ акътыманыны аладжакъ адам озю къатильни ольдюрсин. Оны расткетиргенинен, оны ольдюрсин.

Сайылар 35:21

я да душманлыгъындан оны юмрукънен урса ве о адам ольсе, ургъан адамны мытлакъа ольдюрмек керек, о – къатильдир. Ольгеннинъ акътыманыны аладжакъ адам къатильни расткетиргенинен, оны ольдюрсин.

Сайылар 35:27

ве къан акътыманыны аладжакъ адам къатильни сакъланув шеэрининъ сынъырындан тыш расткетирсе ве ольдюрсе, ольдюрюв ичюн къабаатлы олмайджакъ.

Матта 10:30

Сизлерде исе башынъыздаки сачларынъыз эписи сайылгъан.

Фаалиет 27:34

Шунынъ ичюн риджа этем, аш ашанъыз; бу къуртуладжагъынъыз ичюн керектир. Сизлерден ич кимсенинъ башындан бир сач биле тюшмейджек, – деди.

1 Падишалар 14:45

Лякин халкъ Шаулгъа: – Исраильге бойле буюк къуртулыш кетирген Ёнатан не ичюн оледжек? Олмайджакъ шей! Тири Алланен ант этемиз: онынъ башындан бир сач биле тюшмейджек, чюнки о, Алланынъ ярдымынен иш тутты, – деди. Шу куню халкъ Ёнатанны къорчалады, ве о ольмеди.

1 Падишалар 20:42

Сонъ Ёнатан Давуткъа: – Аман-эсен бар, – деди. – Биз экимиз РАББИнинъ Адынен ант эттик: «РАББИ экимизнинъ арамызда, эвлятларымызнынъ арасында да омюрбилля шаат олсун».

1 Падишалар 28:10

Шаул РАББИнинъ огюнде сёз берип: – Алла тёпеде бар! Бу ишинъ ичюн санъа бир джеза олмаз, – деди.