2 Коринтлилерге 9:8 - Мукъаддес Китап

⁸ Алланынъ сизлерге эр бир эйи шейни бермеге кучю бар. О вакъыт сизлерде эр вакъыт эр керек шей олур, ве сиз эр тюрлю хайырлы ишке азыр олурсынъыз.

2 Коринтлилерге 9:8 ပူးပေါင်းရင်းမြစ်များ

2 Тарих вакъиалары 25:9

Амацья Алланынъ адамындан: – Я энди мен Исраиль ордусына берген 100 чувал паранен не оладжакъ? – деп сорады. Алланынъ адамы: – РАББИ санъа ондан чокъусыны да бере билир, – деп джевап берди.

Зебур 84:11

Севгинен акъикъат корюшелер, догърулыкъ ве аманлыкъ опюшелер!

Икметли сёзлер 10:22

РАББИнинъ бахшышлары бай эте, онен берабер О, гъам бермей.

Икметли сёзлер 11:24

Джан-юректен берген джумерт адамгъа даа чокъ бериле, ачкозь адамгъа исе ёкъсуллыкъ келе.

Икметли сёзлер 28:27

Фукъареге берген ёкъсул олмаз, козьлерини юмгъан исе къаргъышларыны арттырыр.

Икметли сёзлер 3:9

Мал-мулькюнъден ве эр бир ишинънинъ биринджи берекетинъден РАББИге пай айырып, Оны урьмет эт.

Хагъгъай 2:8

– Кумюш Меним, алтын да Менимки, – дей Ордуларнынъ РАББИси.

Малакий 3:10

Эвимде аш олсун деп, эпинъиз онда бир пайларынъызны анбар ханелерине кетиринъиз. Мени, ич олмагъанда, бунен сынанъыз, – дей Ордуларнынъ РАББИси. – Кореджексинъиз ки, коклернинъ къапуларыны сизге ачаджагъым, устьлеринъизге толып-ташкъан берекет ягъдыраджагъым.

Фаалиет 9:36

Яффада Исанынъ шегирти олгъан Табита адлы бир къадын бар эди. Онынъ адынынъ терджимеси «гъазель» демектир. Бу къадын эйилик ишлерине берилип, фукъарелерге чокъ садакъа бере эди.

1 Коринтлилерге 15:58

Шунынъ ичюн, севимли дин къардашларым, къатты ве къавий олунъыз. Раббининъ хызметинде олып, эр вакъыт гъайретнен чалышынъыз ве буны билинъиз: Рабби ёлунда япкъан ишинъиз файдасыз олмаз.

2 Коринтлилерге 13:3

Меним ярдымымнен Месих айткъанына делиль къыдырасыз. Месих такъаттан кесильмеди ве аранъызда Озь къудретини косьтере.

2 Коринтлилерге 8:19

Бундан гъайры, иманлылар джемиетлери озьлери оны сайладылар. О, бу хайырлы иште бизге ярдым эте. Раббини шуретлемек ичюн, биз бирликте бу ишни озь истегимизнен япамыз

2 Коринтлилерге 8:2

Олар агъыр сынавлардан кечкен олсалар да, буюк къуванчкъа толып ташалар, терен фукъареликте олсалар да, буюк бахшышларны бермеге истегини косьтерелер.

2 Коринтлилерге 8:7

Сизлер эр шейде бай оласынъыз – эм иманда, эм лафкъа усталыкъта, эм бильгиде, эм эр тюрлю гъайретте, эм де бизни севгенинъизде. Бу хайырлы иште де устюн олунъыз.

2 Коринтлилерге 9:11

О вакъыт сизлер бай олып, эр шейни боллукънен береджексинъиз, адамлар исе бизден бахшышынъызны къабул этип, Аллагъа шукюрлер айтаджакъ.

Эфеслилерге 2:10

Биз – Онынъ япкъанымыз, хайырлы ишлер япмакъ ичюн, Иса Месихте янъыдан яратылгъанмыз. Алла бизге бу ишлерни эвельден азырлап къойды.

Эфеслилерге 3:20

Алла бизде арекет эткен къудретинен бизим эписи истеклеримизден я да тюшюнгенимизден чокъча япмагъа кучьлюдир!

Филиплердекилерге 4:11

Буларны мухтадж олгъаным ичюн айтмайым. Мен эр бир алда къуванмагъа огрендим.

Колоссайлыларгъа 1:10

Буны да истеймиз: Раббиге ярашкъаны киби, яшанъыз; эр бир шейде Онынъ разылыгъыны къыдырынъыз; эр тюрлю хайырлы иште берекет кетиринъиз; Алланы даа чокъча билинъиз;

2 Тессалоникелилерге 2:17

сизге теселли этсин ве эр бир хайырлы иш ве сёз ичюн къувет берсин!

2 Тимотейге 2:21

Озюни мен айткъан шейлерден темизлеген адам яхшы савут киби олур, элялланыр ве эр бир яхшы ишке ярар, ве Эфендиси онен файдалана билир.

2 Тимотейге 3:17

ве бойлеликнен, Алланынъ адамына эр шейни япмагъа къабилиетини бере, оны эр бир яхшы ишке азырлай.

Титке 2:14

Бизни эр бир гунадан къуртармакъ, яхшы ишлерни гъайретнен япкъан темиз сайлангъан халкъны Озюне азырламакъ ичюн, О, Озюни бизим ичюн къурбан кетирди.

Титке 3:14

Бизимкилер де озьлерини яхшы ишлерге берсинлер ве ихтияджы олгъанларгъа ярдым этмеге огренсинлер. О вакъытта оларнынъ яшайышы файдалы олур.

Титке 3:8

Бу сёзлер догърудыр. Сен буны эр вакъыт эминликнен айткъанынъны истейим. О вакъыт Аллагъа инангъанлар хайырлы ишлерни гъайретнен япаджакълар. Адамларгъа бу, яхшы ве файдалыдыр.

1 Пётр 4:10

Алла сизлерге эр тюрлю къабилиетлерни багъышлады. Эр биринъиз оларны ишлетип, Алла эйилигининъ яхшы хызметчилери киби бири-биринъизге хызмет этинъиз.