2 Коринтлилерге 9:6 - Мукъаддес Китап

⁶ Шуны унутманъыз: къызгъанып сачкъан аз джыяр, бол сачкъан исе бол берекет джыя.

2 Коринтлилерге 9:6 ပူးပေါင်းရင်းမြစ်များ

Икметли сёзлер 11:18

Яман адамнынъ къазанчы яландыр, акъикъатны сачкъан адам исе ишанчлы мукяфатны джыя.

Икметли сёзлер 19:17

Фукъарени аджыгъан адам РАББИге борджкъа бере, РАББИ де онынъ яхшылыгъыны къайтарыр.

Икметли сёзлер 22:9

Озь отьмегини алып, фукъаренен пайлашкъан джумерт адам яхшы бахшышлар корер.

Джемаат башы 11:1

Отьмегинъни сувгъа акъыз, вакъыт кечкен сонъ, о, огюнъе чыкъар.

Джемаат башы 11:6

Сабадан урлугъынъны сач, акъшам да къол къавуштырып отурма, чюнки насыл ишинъ берекетли оладжагъындан, я экиси де яхшы берекет береджегинден хаберинъ ёкъ.

Лука 6:38

Беринъиз, сизге де береджеклер, толу ольчюнен береджеклер: яхшы силькип, бастырып, толып-ташкъан ольчюнен урбанъызнынъ этегине толдураджакълар. Сиз насыл ольчюнен ольчесенъиз, сизге де шойле ольчейджеклер.

1 Коринтлилерге 1:12

Аранъызда: «Мен Павелнинъ издеши», «Мен Аполлоснынъ», «Мен Кифанынъ», «Мен Месихнинъ», – деген лафлар бар. Мен шуны айтмагъа истейим:

1 Коринтлилерге 15:20

Амма Месих керчектен де олюлерден тирильди! О, олюлерден биринджи олып тирильди.

1 Коринтлилерге 7:29

Дин къардашларым, мен сизлерге шуны айтмагъа истейим: энди аз вакъыт къалды. Шунынъ ичюн апайлары олгъан акъайлар апайлары олмагъанлар киби яшасынлар.

2 Коринтлилерге 9:10

Сачыджыгъа урлукъ ве ашагъангъа отьмек береяткъан Алла сизинъ сачкъанынъызны бол япаджакъ, инсафлыкъ берекетинъизни де чокълаштыраджакъ.

2 Коринтлилерге 9:5

Шунынъ ичюн мен агъа-къардашларгъа, олар сизлерге эвельден барсынлар деп, риджа этмек къарарына кельдим. О вакъыт сизинъ сёз берген бахшышларынъыз эвельден азыр олур, ве бахшышынъыз зорнен берильген бахшыш дегиль, керчектен де бахшыш олур.

Галатиядакилерге 3:17

Шуны айтмагъа истейим: Алла васиетни артыкъ тасдыкъ этти, ве 430 йылдан сонъ пейда олгъан Къанун васиетнинъ кучюни ёкъ этмеди, вадени де бозмады.

Галатиядакилерге 5:16

Мен шуны айтам: Рухнынъ истегинен яшанъыз, о вакъыт беденинъизнинъ яман истеклерини беджермезсиз.

Эфеслилерге 4:17

Шунынъ ичюн, мен буны айтам ве Раббиден сизге ялварам: Алланы бильмеген халкълар киби, бош фикирлерге коре энди яшаманъыз.

Колоссайлыларгъа 2:4

Буны мен, ич кимсе сизлерни инандырыджы сёзлернен ёлдан урмасын деп, айтам.

Еудийлерге 6:10

Алла адалетсиз дегиль. О, сизинъ ишинъизни, Онынъ Адына косьтерген севгинъизни унутмаз, азизлерге насыл хызмет эткенинъизни ве шимди де япкъанынъызны акълында тутар.