2 Коринтлилерге 9:5 - Мукъаддес Китап

⁵ Шунынъ ичюн мен агъа-къардашларгъа, олар сизлерге эвельден барсынлар деп, риджа этмек къарарына кельдим. О вакъыт сизинъ сёз берген бахшышларынъыз эвельден азыр олур, ве бахшышынъыз зорнен берильген бахшыш дегиль, керчектен де бахшыш олур.

2 Коринтлилерге 9:5 ပူးပေါင်းရင်းမြစ်များ

Башланув 33:11

Мен санъа кетирген багъышлавымны ал. Алла мени багъышлады, ве меним эр шейим бар. Якъуп Исавгъа пек ялварды, ве Исав бахшышларны алмагъа разы олды.

4 Падишалар 5:15

Сонъ о ве онен берабер олгъанларнынъ эписи Алланынъ адамына къайтып кельдилер. Келип, онынъ огюнде турып: – Шимди мен билем ки, Исраильден башкъа бир ерде Алла ёкъ экен! Энди менден, сенинъ къулунъдан, бир бахшыш къабул эт, – деди.

1 Коринтлилерге 16:2

Афтанынъ биринджи кунюнде эр биринъиз озь барлыгъына коре бир къысым акъчаны айырып сакъланъыз. Сонъ мен сизге кельгенде, акъча топламагъа керек олмаз.

2 Коринтлилерге 8:6

Шунынъ ичюн сизинъ аранъызда бу яхшы ишни битирмеге биз Титке риджа эттик, чюнки о озю оны башлагъан эди.

2 Коринтлилерге 9:3

Энди сизинъ акъкъынъызда макътавым бошуна чыкъмасын ве, мен айткъаным киби, сиз азыр олунъыз деп, агъа-къардашларны ёллайым.

2 Коринтлилерге 9:6

Шуны унутманъыз: къызгъанып сачкъан аз джыяр, бол сачкъан исе бол берекет джыя.

Филиплердекилерге 4:17

Мен сизден бахшыш истемейим, сизинъ эйилигинъиз ичюн мукяфат алгъанынъызны истейим.

Къадылар 1:15

Акъса онъа: – Манъа бир бахшыш бер. Сен манъа Негевде топракъ бердинъ, энди сув чокъракъларыны да бер, – деди. Бабасы онъа юкъары ве ашагъы сув чокъракъларыны да берди.

1 Падишалар 25:27

Мына, эфендим, санъа хызмет эткен адамларгъа мен кетирген бу бахшышларны ал.

1 Падишалар 30:26

Давут Цикълагъгъа кельди ве онынъ достлары олгъан Ехуда акъсакъалларына мулькнинъ бир къысмыны йиберип: – Мына сизге РАББИнинъ душманларындан тартып алынгъан мульктен бахшыш, – деди.