2 Коринтлилерге 8:3 - Мукъаддес Китап

³ Олар озь истеклеринен къолларындан кельгени къадар, атта имкянларындан да зияде ярдым эткенлерине мен шаатым.

2 Коринтлилерге 8:3 ပူးပေါင်းရင်းမြစ်များ

1 Тарих вакъиалары 29:9

Халкъ джан-гонъюльден шу къадар шей РАББИге бахшыш кетиргенлери ичюн, пек севинди. Давут падиша да пек севинди.

Зебур 110:3

РАББИнинъ ишлери – шанлы-шуретлидир, Онынъ адалети – эбедийдир.

Чыкъыш 35:29

Бойлеликнен, эписи юреклери тарткъан исраилли акъайларнен апайлар, Муса ярдымынен РАББИ япмагъа эмир эткен эр бир ишке, озь истегинен даа чокъ бахшышлар РАББИге кетирдилер.

Чыкъыш 35:5

РАББИге бахшышлар этинъиз. Эр биринъиз юрегинден къопкъан бахшышыны: алтын, кумюш, тунч,

Марк 14:8

Къадын къолундан кельгенини япты, Меним тениме къокъулы ягъны сюртип, шимдиден дефн этмеге азырлады.

Фаалиет 11:29

Шегиртлернинъ эр бири къолундан кельгенине коре Еудиеде яшагъан дин къардашларына ярдым йибермеге къарар чыкъардылар.

Римлилерге 10:2

Мен шаатым: олар Аллагъа хызмет этмеге пек истейлер, амма догъру бильгини анъламайлар.

1 Коринтлилерге 16:2

Афтанынъ биринджи кунюнде эр биринъиз озь барлыгъына коре бир къысым акъчаны айырып сакъланъыз. Сонъ мен сизге кельгенде, акъча топламагъа керек олмаз.

1 Коринтлилерге 9:17

Бу ишни озь истегимнен япсам, мукяфат алырым. Амма буны истексиз япсам, демек, мен тек берильген вазифени япам.

Галатиядакилерге 4:15

Сизинъ о вакъыттаки бахтынъыз къаерде? Озюм сизлерге шаатым: эгер мумкюн олса эди, о вакъыт сиз озь козьлеринъизни чекип чыкъарыр ве манъа берер эдинъиз!

Филиплердекилерге 2:13

Алла Озю сизлерде арекет эте ве Озь эйи ирадеси ичюн сизлерде истекни де, арекетни де ярата.

Колоссайлыларгъа 4:13

О, сизлер эм де Лаодикея ве Иераполь шеэрлериндекилери ичюн озюни аджымайып чалышкъанына мен шаатым.

1 Тессалоникелилерге 2:8

Бойле этип, сизлерге о къадар гонъюль багъладыкъ, тек Алланынъ Къуванчлы Хаберини дегиль, озь джанымызны да бермеге бахтлы эдик, чюнки сизлерни пек севдик.

Филимонгъа 1:14

Амма сенден разылыкъ алмайып, ич бир шей япмагъа истемедим. Сен япаджакъ эйилигинъ меджбурий дегиль, гонъюлли олгъаныны истедим.

1 Пётр 4:11

Ким сёзге чыкъса, Алланынъ сёзлеринен лаф этсин. Ким хызмет этсе, Алла берген кучьнен хызмет этсин. О вакъыт Алла эр бир шейде Иса Месих ярдымынен шуретленеджек. Асырдан-асыргъа шурет ве акимиет Онынъкидир. Амин.

1 Пётр 5:2

сизлерге берильген Алланынъ сюрюсини яхшы бакъынъыз. Бу ишни меджбурий дегиль, Алла бегенген киби, озь истегинъизнен япынъыз. Озь файдасы ичюн дегиль, акъикъий истекнен япынъыз.