2 Коринтлилерге 8:23 - Мукъаддес Китап

²³ Тит акъкъында айткъанда, о меним достум ве сизинъ аранъызда чалышкъан ишдешим. Башкъа къардашларымыз – иманлылар джемиетлерининъ эльчилери ве Месихнинъ шуретидир.

2 Коринтлилерге 8:23 ပူးပေါင်းရင်းမြစ်များ

Лука 5:7

Олар башкъа къайыкътаки аркъадашларына къолларыны саллап, оларны ярдымгъа чагъырдылар. Аркъадашлары келип, эки къайыкъны балыкъкъа толдурды. Къайыкълар чёкеджек киби олды.

Юхан 13:16

Сизге керчектен догърусыны айтам: къул озь эфендисинден устюн дегиль, ёлланылгъан да оны ёллагъандан устюн дегильдир.

1 Коринтлилерге 11:7

Акъайгъа башыны япмагъа керекмей, чюнки о, Алланынъ образы ве шуретидир. Апай исе – акъайнынъ шурети.

2 Коринтлилерге 12:18

Мен Титни ве онен берабер бир дин къардашны сизге ёллагъан сонъ, Тит сизлерден файдаландымы? Бизлер бир акъылнен тюшюнмей эдикми? Бир тюрлю арекетлер этмей эдикми?

2 Коринтлилерге 7:6

Амма алчакъгонъюллилерни юреклендирген Алла янымызгъа Титни ёллап, бизим гонълюмизни алды.

2 Коринтлилерге 8:16

Сизлер ичюн Титнинъ юрегине бойле гъайретни берген Аллагъа шукюр олсун!

2 Коринтлилерге 8:18

Онен берабер бир дин къардашымызны да ёлладыкъ. Оны Къуванчлы Хаберни даркъаткъаны ичюн бутюн иманлыларнынъ джемиетлеринде макътайлар.

2 Коринтлилерге 8:19

Бундан гъайры, иманлылар джемиетлери озьлери оны сайладылар. О, бу хайырлы иште бизге ярдым эте. Раббини шуретлемек ичюн, биз бирликте бу ишни озь истегимизнен япамыз

2 Коринтлилерге 8:22

Оларнен берабер биз даа бир къардашымызны ёлладыкъ. О, чокъ кере тюрлю алларда сыналды ве гъайретини косьтерди. Шимди онынъ гъайрети даа зияде, чюнки сизлерге пек буюк ишанчы бар.

2 Коринтлилерге 8:6

Шунынъ ичюн сизинъ аранъызда бу яхшы ишни битирмеге биз Титке риджа эттик, чюнки о озю оны башлагъан эди.

Филиплердекилерге 2:25

Лякин мен белледим ки, манъа сизге Эпафродитни ёлламакъ керек эди. О, меним къардашым, ишдешим, меннен берабер курешкен аркъадашым, сизинъ эльчинъиз ве ихтияджымда манъа хызмет эткен адамдыр.

Филиплердекилерге 4:3

Эбет, ишанчлы ёлдашым, санъа да ялварам, о къадынларгъа ярдым эт. Олар меннен, ве Клементнен, ве меннен берабер башкъа чалышкъанларнен Къуванчлы Хаберни даркъатмакъ ичюн арекет этелер. Оларнынъ адлары яшайыш китабында язылгъандыр.

Колоссайлыларгъа 1:7

Алланынъ эйилигини сиз Эпафрастан огрендинъиз. О, бизим севимли къул-ишдешимиз ве сизинъ ичюн Месихнинъ садыкъ хызметчиси.

1 Тессалоникелилерге 2:2

Сиз бильгенинъиз киби, ондан эвель Филиплер шеэринде азап чектик ве акъаретлендик, амма Алланынъ Къуванчлы Хаберини сизлерге буюк къаршылыкъ ичинде бильдирмек ичюн, Алламызда джесарет таптыкъ.

2 Тимотейге 4:10

Демас шимдики дюньяны севип, мени къалдырды ве Тессалонике шеэрине кетти. Креск – Галатиягъа, Тит – Далматиягъа кеттилер.

Титке 1:4

Титке, иманымыз бир олгъан акъикъий огълума: Алла Баба ве Къуртарыджымыз Иса Месих санъа эйилик ве тынчлыкъ-аманлыкъ берсин!

Филимонгъа 1:17

Шунынъ ичюн, эгер сен мени аркъадашынъ сайсанъ, Онисимни мени киби къабул эт.

Филимонгъа 1:24

Ишдешлерим Марк, Аристарх, Демас, Лукадан да селям.

3 Юхан 1:8

Бойлеликнен, бизим борджумыз – акъикъат ёлунда хызмет эткенлернинъ ишине къол тутмакъ ичюн, бойле адамларгъа ярдым этмектир.