2 Коринтлилерге 7:2 - Мукъаддес Китап

² Бизлерге юреклеринъизни ачынъыз. Биз ич кимсенинъ джаныны агъыртмадыкъ, ич кимсеге зарар кетирмедик, ич кимсени алдатмадыкъ.

2 Коринтлилерге 7:2 ပူးပေါင်းရင်းမြစ်များ

Сайылар 16:15

Муса зияде ачувланып, РАББИге: – Оларнынъ бахшышларына эмиет берме. Мен оларнынъ биринден эшек биле алмадым, оларнынъ бирине бир тюрлю яманлыкъ биле япмадым, – деди.

Матта 10:14

Ким исе сизни къабул этмесе ве сёзлеринъизге къулакъ асмаса, о эвден я да шеэрден чыкъып кетеяткъанда, аякъларынъыздан тозны биле къакъып кетинъиз.

Матта 10:40

‌Сизни къабул эткен адам Мени де къабул эте. Мени къабул эткен исе Мени Ёллагъанны къабул эте.

Лука 10:8

Бирде-бир шеэрге кельгенинъизде, сизге хошкельдинъиз айтсалар, не берселер ашанъыз,

Фаалиет 20:33

Мен ич кимсенинъ кумюш-алтыныны я да урбасыны истемей эдим.

Римлилерге 16:18

Бойле адамлар Раббимиз Иса Месихке дегиль, озь къурсакъларына хызмет этелер ве темиз юрекли адамларны татлы сёзлернен ве ялтакълыкънен алдаталар.

2 Коринтлилерге 1:12

Биз шунен гъурурланамыз, темиз виджданымыз да тасдыкълай ки, биз ачыкъ юрекнен ве Алладан кельген темизликнен яшай эдик, бу дюньяда ве айрыджа сизлернен олгъанымызда, инсаний акъылнен дегиль, лякин Алланынъ эйилигинен арекет эте эдик.

2 Коринтлилерге 11:16

Даа шуны айтам: ич бир адам мени акъылсыз деп саймасын. Эгер ойле сайсанъыз, ич олмадым, мени, акъылсызны къабул эткенлер киби, къабул этинъиз, бираз макътанайым!

2 Коринтлилерге 11:9

Аранъызда олып, мухтадж олгъанымда да, ич кимсеге юк олмадым. Манъа керекли эр шейни Македониядан кельген дин къардашлар бердилер. Ич бир шейде сизлерге юк олмамагъа тырыша эдим ве даа тырышырым.

2 Коринтлилерге 4:2

Амма адамларнынъ гизли ве айып ишлерини ред этип, шимди айнеджиликнен арекет этмеймиз, Алланынъ Сёзюни бозмаймыз. Биз акъикъатны ачыкъ-айдын этемиз ве Алланынъ огюнде эр бир адамнынъ виджданына бизге къыймет кесмеге ёл беремиз.

Филиплердекилерге 2:29

Раббинен бирликте олып, толу къуванчнен оны къабул этинъиз, бойле адамларны урьмет этинъиз.

Колоссайлыларгъа 4:10

Меннен берабер тюрьмеде отургъан Аристарх, Барнабанынъ эки догъмуш къардашы Марк (онынъ акъкъында сизге буюрдылар: эгер о, сизге барса, оны къабул этинъиз),

1 Тессалоникелилерге 2:10

Биз сизнен, иманлыларнен, темиз, инсафлы ве къабаатсыз олып арекет эте эдик. Бунъа сиз де, Алла да шааттыр,

Филимонгъа 1:12

Мен оны пек севем.

Филимонгъа 1:17

Шунынъ ичюн, эгер сен мени аркъадашынъ сайсанъ, Онисимни мени киби къабул эт.

2 Юхан 1:10

Эгер бир адам алдынъызгъа келип, бу огретювни кетирмесе, оны эвинъизге кирсетменъиз, онъа селям да берменъиз.