2 Коринтлилерге 6:10 - Мукъаддес Китап

¹⁰ Бизни ынджыталар, амма биз эр вакъыт къуванамыз. Озюмиз фукъаремиз, амма чокъ адамларны бай этемиз. Ич бир шейимиз ёкъ, амма эр шей бизимкидир.

2 Коринтлилерге 6:10 ပူးပေါင်းရင်းမြစ်များ

Зебур 84:11

Севгинен акъикъат корюшелер, догърулыкъ ве аманлыкъ опюшелер!

Икметли сёзлер 13:7

Бири, онынъ ич бир шейи олмагъанда, озюни бай деп тута, башкъасы, байлыгъы буюк олгъанда, озюни фукъаре деп тута.

Икметли сёзлер 16:16

Икмет саиби олмакъ – алтындан, акъыл саиби олмакъ – кумюштен яхшыдыр.

Матта 5:12

Къуванынъыз ве шенъленинъиз! Коклерде сизинъ мукяфатынъыз буюктир! Сизден эвель яшагъан пейгъамберлер де шойле къувулгъан эдилер.

Матта 5:4

Не де бахтлыдыр агълагъанлар. Олар теселли тападжакълар!

Лука 6:21

Шимди ачлыкъ чеккенлер, не къадар бахтлысыз! Сиз ашап тояджакъсыз! Шимди агълагъанлар, не къадар бахтлысыз! Сиз куледжексиз!

Юхан 16:22

Сиз де шимди дертлер чекесиз. Лякин Мен сизни кене кореджем, юреклеринъиз къуванчкъа толаджакъ, ве къуванчынъызны сизден ич кимсе тутып аламаз.

Фаалиет 16:25

Яры геджеде Павелнен Сила дува окъуп, Алланы шерефлеп йырлай эдилер; зинданда яткъан джинаетчилер оларны динълей эди.

Фаалиет 3:6

Пётр онъа: – Менде кумюш ве алтын ёкъ, амма санъа озюмде олгъаныны берем: назаретли Иса Месихнинъ Адындан санъа айтам: еринъден турып юр! – деди де,

Фаалиет 5:41

Эльчилер, Рабби Исанынъ Ады ичюн масхара олдыкъ, деп къуванып, Шурадан чыкъып кеттилер.

Римлилерге 11:12

Эгер еудийлернинъ гунасы бутюн дюньягъа эйилик олды исе, ве оларнынъ бозулувы башкъа халкъларгъа эйиликни кетирди исе, бутюн Исраиль къайткъанда, не къадар эйилик олур?!

Римлилерге 12:15

Къувангъанларнен берабер къуванынъыз, агълагъанларнен берабер агъланъыз.

Римлилерге 15:13

Ишанч берген Алла сизлерни къуванч ве тынчлыкъ-аманлыкъкъа толдурсын; сизинъ ишанчынъыз Мукъаддес Рухнынъ кучюнен бол олсун!

Римлилерге 8:32

Озь Огълуны аджымагъан, Оны эпимиз ичюн олюмге берген Алла Онен берабер бизге эр шейни бермезми?

Римлилерге 9:2

юрегим буюк гъамнен ве битмез дертнен сызлай.

1 Коринтлилерге 1:5

ве Онынъ ичюн Алла сизге Озь Сёзюни ачты ве чокъ бильги берди.

2 Коринтлилерге 2:4

Мен терен къайгъы ве юрек аджджысынен, эм де токътамагъан козьяшларнен яздым. Лякин сизлерни ынджытмагъа ниетленмей эдим, сизлерге олгъан буюк севгимни биледжегинъизни истей эдим.

2 Коринтлилерге 4:15

Буларнынъ эписи – сизлер ичюндир, Алланынъ эйилиги даа чокъ адамларгъа кечсин ве Онынъ шурети ичюн айтылгъан шукюрлер даа артсын.

2 Коринтлилерге 4:7

Бу къыйметли ярыкъны биз озь къуветсиз беденлеримизде, балчыкъ савутларда киби, алып юремиз, чюнки аджайип къудретимиз бизден дегиль, лякин Алладан келе.

2 Коринтлилерге 8:9

Сизлер Раббимиз Иса Месихнинъ эйилигини билесиз: О, зенгин олса да, сизлер ичюн фукъаре олды, ве шунынъ ичюн сиз онынъ фукъарелиги ярдымынен зенгин олдынъыз.

Эфеслилерге 3:16

О, Озь шуретининъ байлыгъына коре, Озь Рухунен сизинъ ичинъизде олгъан инсанда сизге къуветли олмагъа такъат берсин,

Эфеслилерге 3:8

Манъа, бутюн азизлер арасында энъ кучюкке, бойле эйилик берильгендир: Месихнинъ акъылгъа етмез гузеллиги акъкъында Къуванчлы Хаберни чешит тюрлю халкъларгъа бильдирмек

Филиплердекилерге 2:17

Эгер мен, ичерлик бахшышы киби, сизинъ къурбанлыгъынъыз ве иман хызметинъизнинъ устюне тёкюльсем биле, мен бунъа да къуванам ве сизинъ къуванчынъызгъа къошулам.

Филиплердекилерге 4:4

Раббиде олып, эр вакъыт къуванынъыз! Даа айтам: къуванынъыз!

Колоссайлыларгъа 1:24

Мен шимди, сизлер ичюн азаплангъанымда, къуванам. Месих Озь бедени ичюн, яни иманлылар джемиети ичюн, але даа азаплана. Мен бу азапларны озь беденимде чекип толдурам.

Колоссайлыларгъа 3:16

Ичинъизде Месихнинъ сёзю бутюн зенгинлигинен яшасын. Бутюн икметнен бири-биринъизни огретинъиз ве тенбиеленъиз; сизинъ юреклеринъизде Аллагъа зебурлар, макътав йырлары ве рухий тюркюлерни миннетдарлыкънен йырланъыз.

1 Тессалоникелилерге 1:6

Сизлер чокъ белягъа огърагъан олсанъыз да, Мукъаддес Рухтан къуванч алып, Алланынъ Сёзюни къабул эттинъиз ве бизни ве Раббини орьнек этип алдынъыз,

1 Тессалоникелилерге 5:16

Эр вакъыт къуванынъыз,

1 Тимотейге 4:8

Беден мешгъулиетлерининъ файдасы олса да, аз. Алла истеген ишлер япмакънынъ файдасы исе буюк; олар эм шимдики, эм келеджек омюрде мукяфатлар ваде эте.

1 Тимотейге 6:18

Байлар яхшы ишлернен зенгин олсунлар, джумерт олмагъа ве пайлашмагъа азыр олсунлар,

Еудийлерге 10:34

Зиндангъа атылгъанларнен берабер азап чеке эдинъиз. Байлыгъынъызны тутып алгъанларны къуванчнен къабул эте эдинъиз, чюнки сизни даа яхшы эбедий байлыкъ беклегенини биле эдинъиз.

Якъуп 2:5

Севимли агъа-къардашларым, динъленъиз: бу дюньянынъ фукъарелерини сайлагъан Алла Озю дегильми? О, оларны иманда зенгин япты ве севгенлерге сёз берильген Падишалыгъыны берди.

1 Пётр 4:13

Аксине, Месихнинъ азапларына къошулгъанынъызгъа къуванынъыз! О вакъытта Онынъ шурети ачылгъанда, чокъ къуванчкъа толаджакъсынъыз.

Сырларнынъ ачылувы 2:9

Сенинъ азапларынъны ве фукъарелигинъни билем. Амма сен зенгинсинъ! Озьлерине еудий дегенлернинъ сени яманлагъаныны да билем. Лякин олар еудий дегиль, олар – Шейтаннынъ топлашувыдыр.

Сырларнынъ ачылувы 21:7

Енъеджек адам эр шейни аладжакъ. Мен онынъ Алласы олурым, ве о, Меним огълум олур.