2 Коринтлилерге 5:18 - Мукъаддес Китап

¹⁸ Эр шей Алладандыр. О, Месихнинъ ярдымынен бизни Озюнен барыштырды ве бизге барышыкъ хызметини берди.

2 Коринтлилерге 5:18 ပူးပေါင်းရင်းမြစ်များ

Ешая 52:7

Дагълар бою кельген, тынчлыкъ-аманлыкъны илян эткен, хайырлы хаберни кетиргеннинъ келюви не къадар хоштыр! О, къуртулыш акъкъында бильдире, Сионгъа: «Алланъ падишалыкъ этмеге башлады», – дей.

Ешая 57:19

ве олар Мени макътайджакълар. Узакътаки ве якъындакилерге тынчлыкъ-аманлыкъ олсун! – дей РАББИ. – Мен оларны яхшы этеджегим!

Ехезкель 45:15

Исраиль отлакъларындаки айванларындан 200 къойдан бир къой берильсин. Булар ашлыкъ бахшышлары, бутюнлей якъыладжакъ къурбанлар ве аманлыкъ бахшышлары оларакъ кетирильсин, олар ичюн одеме этильсин, – дей РАББИ-ТААЛЯ.

Даниял 9:24

Сенинъ халкъынъа ве азиз Ерусалим шеэринъе 70 кере еди йыл берильди. Бу вакъыт сонъуна акъсызлыкълар битеджек, гуналар кесиледжек, къабаатлар ичюн одеме этиледжек, эбедий акъикъат тикленеджек, руялар ве пейгъамберликлер беджериледжек ве азизлернинъ Азизи ягънен сюртюледжек.

Левийлилер 6:30

Эгер гуна ичюн бир къурбаннынъ къаны, Мукъаддес Ерде одеме этмек ичюн, Корюшюв Чадырына кирсетильсе, оны ашамагъа олмаз, оны атеште якъмакъ керек.

Лука 10:5

Къайсы эвге кирсенъиз, башта: «Эвинъизге барышыкъ олсун», – денъиз.

Лука 24:47

Ерусалимден башлап, эписи халкъларгъа илян этиледжектир ки, Месихнинъ Адынен тёвбе этселер, гуналары багъышланаджакълар.

Юхан 3:16

Алла дюньяны ойле севди ки, Озюнинъ бирден-бир Огълуны берди, Онъа инангъан эр бир адам гъайып олмасын, лякин эбедий омюрни алсын.

Юхан 3:27

Ягъя джевап берип: – Эгер коктен берильмесе, адам ич бир шей алып оламай.

Фаалиет 10:36

Алла Озь Сёзюни Исраиль огъулларына ёллап, Иса Месихнинъ ярдымынен барышыкъ илян этти. Шу Иса – эписининъ Раббисидир.

Римлилерге 11:36

Эр шей Ондан чыкъып, Онынъ ярдымынен бардыр ве Онынъ ичюндир. Онъа эбедиен шурет олсун! Амин!

Римлилерге 5:1

Иманымыз ичюн акъланып, Раббимиз Иса Месихнинъ ярдымынен бизим Алланен арамызда тынчлыкъ-аманлыкъ кельди.

1 Коринтлилерге 1:30

Сиз Алланынъ арекети ичюн Иса Месихнен бирлештинъиз. Иса бизим ичюн Алланынъ икмети олды, бизни акълады, азиз этти ве къуртарды.

1 Коринтлилерге 11:12

Апай акъайдан яратылгъан эди, амма акъай апайдан дюньягъа келе. Эр шей исе – Алладандыр.

1 Коринтлилерге 12:6

Арекетлер де чешит тюрлю ола, амма эписинде эр бир арекетни яраткъан бирден-бир Алладыр.

1 Коринтлилерге 3:5

Аполлос ким? Павел де ким? Олар тек хызметчилердир. Сизлер бу хызметчилернинъ ярдымынен имангъа кельдинъиз. Рабби эр биримизге айры хызметни берди.

1 Коринтлилерге 8:6

биз ичюн бир Алла Баба бар. Эр шей Ондандыр, ве биз О ичюн яшаймыз. Ве бир Рабби Иса Месих бар. Эр шей Онынъ ярдымынен яратылгъан, ве биз Онынъ ярдымынен яшаймыз.

Колоссайлыларгъа 1:22

лякин шимди О, Озь беденини олюмге берип, сизлерни Алланен барыштырды. О, сизлерни азиз, лекесиз ве къабаатсыз этип, Онынъ козю огюне кетиреджек,

Еудийлерге 2:17

Шунынъ ичюн Онъа эр шейде агъа-къардашларына ошамагъа керек эди. Бойле этип, О, Алланынъ огюнде мераметли ве ишанчлы баш руханий олды ве халкънынъ гуналары ичюн Озюни одеме этти.

Якъуп 1:17

Эр бир яхшы ве мукеммель бахшыш юкъарыдан, коклердеки ярыкъларны яраткъан Бабадан келе. О, денъишип тургъан кольгеге ошамаз, ич бир вакъыт денъишмез.

1 Юхан 2:2

О, бизим гуналарымыз ичюн одев олды. О, тек бизим гуналарымыз ичюн дегиль, бутюн дюньянынъ гуналары ичюн одев олды.

1 Юхан 4:10

Мына бу севгидир: биз Алланы севдик дегиль, лякин бизни О севди ве Озь Огълуны гуналарымыз ичюн одев оларакъ ёллады.