2 Коринтлилерге 3:17 - Мукъаддес Китап

¹⁷ Рабби – Рухтыр. Раббининъ Руху къайда олса, о ерде азатлыкъ бар.

2 Коринтлилерге 3:17 ပူးပေါင်းရင်းမြစ်များ

Юхан 6:63

Рух аятны багъышлай, беден исе ич бир файда кетиралмай. Меним сизге айткъан сёзлерим – Рух ве аяттыр.

Юхан 8:32

Акъикъатны биледжексиз, ве акъикъат сизни азат этеджек.

Римлилерге 8:2

Гуна ве олюм къанунындан сени Иса Месихнен яшайыш берген Рухнынъ къануны къуртарды.

1 Коринтлилерге 15:45

Язылгъанына коре, биринджи адам Адем тири джан олды. Сонъки Адем исе омюр берген рух олды.

2 Коринтлилерге 3:18

Биз эпимиз ачыкъ бетнен Раббининъ шуретине бакъамыз, оны, кузьгю киби, косьтеремиз ве шуретимизни чокълаштырып, Раббининъ Рухунен Онъа ошап денъишемиз.

2 Коринтлилерге 3:6

О, бизге янъы васиетнинъ хызметчилери олмагъа къабилиетини берди. Бу васиет язылгъан къанунларгъа дегиль, лякин Алланынъ Рухуна таяна, чюнки язылгъан къанунлар адамларны олюмге алып келе, Рух исе омюр багъышлай.

Галатиядакилерге 4:6

Сиз Алланынъ огъуллары олгъанынъыз себептен, Алла юреклеримизге Озь Огълунынъ Рухуны ёллады, ве бу Рух: «Баба, Бабачыгъым!» – деп чагъыра.

Галатиядакилерге 5:1

Биз азат олайыкъ деп, Месих бизни азат этти. Шунынъ ичюн къатты турунъыз ве кене къуллукъ боюндырыгъыны такъманъыз.

Галатиядакилерге 5:13

Агъа-къардашлар, сизлер азатлыкъкъа чагъырылгъан эдинъиз. Тек бу азатлыкъ беден истеклерини беджереджегине себеп олмасын, лякин бири-биринъизге севгинен хызмет этинъиз.

2 Тимотейге 1:7

Алла бизге къоркъакълыкъ рухуны дегиль, кучь-къувет, севги ве низам рухуны берди.