2 Коринтлилерге 13:7 - Мукъаддес Китап

⁷ Биз Аллагъа дува окъуймыз: ич бир яман иш япманъыз. Онынъ макъсады – сынавдан кечкенимизни косьтермек дегиль. Аксине, биз сынавдан кечмеген киби корюнирмиз исе, яхшы иш япынъыз.

2 Коринтлилерге 13:7 ပူးပေါင်းရင်းမြစ်များ

1 Тарих вакъиалары 4:10

Явец Исраильнинъ Алласыны чагъырып: «РАББИм! Манъа Озь эйилигинъни косьтергейдинъ, топрагъымнынъ сынъырларыны кенишлеткейдинъ, меним янымда олгъайдынъ, мени къорчалагъайдынъ, мен дерт чекмегейдим!» – деди. Сонъ РАББИ Явецке тилегини берди.

Матта 6:13

Бизге ёлдан урулмагъа берме, яманлыкътан къорчала.

Юхан 17:15

«Оларны дюньядан ал», – демейим, лякин «Оларны яманлыкътан къорчала», – дейим.

Римлилерге 1:28

Алланы акъылда тутмагъа бир шей саймагъанлары ичюн, Алла оларны бозукъ акъыл укюмине берди, ве олар разылыкъ олмагъан ишлерни япып башладылар.

Римлилерге 12:17

Ич кимсенинъ яманлыгъына яманлыкънен къайтарманъыз. Бутюн адамлар яхшы сайгъан шейлерни япынъыз.

Римлилерге 13:13

Куньдюзге ярашкъан инсафлы яшайышны кечирейик; намуссыз отурышлар ве ичкиджиликке, ороспулыкъ ве ахлякъсызлыкъкъа, къавгъа ве пахыллыкъкъа берильмейик.

Римлилерге 16:10

Месихке ишанчлы олгъан Апеллеске селям этинъиз. Аристобулнынъ эвдекилерине де селям этинъиз.

1 Коринтлилерге 11:19

Аранъызда тюрлю фикирлер олмакъ керек, ве вакъыт оларны сынап косьтереджек.

2 Коринтлилерге 10:10

Базылары: «О, мектюплеринде серт ве кучьлю, амма озю къуветсиз ве сёзге уста дегиль», – дейлер.

2 Коринтлилерге 10:18

Озюни макътагъан дегиль, Рабби макътагъан адам урьметке ляйыкътыр.

2 Коринтлилерге 13:6

Мен умют этем ки, биз сынавдан кечип оладжагъымызны озюнъиз корерсиз.

2 Коринтлилерге 13:8

Акъикъаткъа къаршы ич бир шей япып оламамыз, акъикъат ичюн эр бир шей япаджакъмыз.

2 Коринтлилерге 13:9

Бизлер къуветсиз, сизлер исе къуветли олгъанынъызгъа севинемиз. Сизлер къусурсыз оладжагъынъыз ичюн дува окъуймыз.

2 Коринтлилерге 6:4

ве эр бир алда Алланынъ хызметчилери олгъанымызны косьтеремиз: беляларда, хор-факъыр олгъанымызда, къыйын вакъытта чокъ сабыр этемиз,

2 Коринтлилерге 8:21

Биз тек Раббининъ огюнде дегиль, адамларнынъ огюнде де догъру ишлер япмагъа арекет этемиз.

Филиплердекилерге 4:8

Сонъунда, агъа-къардашлар, эр бир акъикъий, намуслы, догъру, темиз, гузель, шуретли, мукеммель ве макътавгъа ляйыкъ шейлер акъкъында тюшюнинъиз.

1 Тессалоникелилерге 5:23

Аманлыкъ Алласы Озю сизлерни бутюнлей азиз этсин, ве, Раббимиз Иса Месих кельгенде, сизинъ рухунъыз, джанынъыз ве беденинъиз бус-бутюн олып, къабаатсыз сакълансынлар.

1 Тимотейге 2:2

падишалар ве укюмдарлар ичюн шукюр этмек керек. О вакъыт биз тынч ве раат яшармыз, Алланы урьмет этип, намуслы олурмыз.

2 Тимотейге 2:15

Алланынъ козю огюнде ляйыкъ олмагъа гъайретнен тырыш, утанмайып чалышкъан ишчи ол, акъикъат сёзюни догъру къулланып огрет.

2 Тимотейге 4:18

Рабби мени адамларнынъ эр бир яман япкъанларындан къорчалайджакъ ве Озюнинъ коктеки Падишалыгъына сагъ-селямет кирсетеджек. Онъа асырлардан асырларгъа шуретлер олсун! Амин.

Якъуп 1:12

Не де бахтлыдыр сынавгъа даянгъан адам. Сынавдан кечкен сонъ, о, тадж киби, эбедий яшайышны аладжакъ. Алла бу мукяфатны Оны севгенлерге бермеге сёз берди.

1 Пётр 2:12

Алланы бильмеген адамларнынъ арасында арекетлеринъиз энъ яхшы олсун. Олар шимди сизлерни яманлыкъ япкъанларны киби яманласалар да, сизинъ яхшы ишлеринъизни кореджеклер ве Алланы Онынъ келеджек кунюнде шуретлейджеклер.