2 Коринтлилерге 11:22 - Мукъаддес Китап

²² Олар еудийми? Мен де еудийим. Олар исраиллими? Мен де исраиллим. Олар Ибраим несилинденми? Мен де Ибраим несилинденим.

2 Коринтлилерге 11:22 ပူးပေါင်းရင်းမြစ်များ

2 Тарих вакъиалары 20:7

Сен бу топракъларда яшагъанларны Сенинъ Исраиль халкъынънынъ козю огюнде къуваладынъ ве шу топракъларны достунъ Ибраимнинъ эвлятларына омюрбилля бердинъ.

Чыкъыш 10:3

Мусанен Харун фыравунгъа келип, бойле дедилер: – РАББИ, еудийлернинъ Алласы: «Сен даа не къадар вакъыт Манъа бойсунмайджакъсынъ? – деп сорай. – Манъа ибадет этмек ичюн, халкъымны йибер.

Чыкъыш 3:18

Олар сенинъ сёзюнъни динълерлер. Сен ве Исраиль акъсакъаллары Мысыр падишасына барып: «Бизге РАББИ, еудийлернинъ Алласы корюнди. Бизим Алламызгъа, РАББИге къурбан чалмакъ ичюн, бизни учь куньлюк ёлгъа сахрагъа йиберсе», – деп айтарлар.

Чыкъыш 5:3

– Бизге еудийлернинъ Алласы кельди. Алла бизни къылыч я да фелякетнен джезаламасын деп, бизим Алламызгъа, РАББИге къурбан чалмакъ ичюн бизни учь куньлюк ёлгъа сахрагъа йиберсе, – дедилер олар.

Чыкъыш 7:16

– Онъа бойле айт: «РАББИ, еудийлернинъ Алласы мени санъа буны айтмакъ ичюн ёллады: “Манъа сахрада ибадет этсинлер деп, Меним халкъымны йибер”. Лякин сен аля даа динълемединъ.

Чыкъыш 9:1

РАББИ Мусагъа бойле деди: – Фыравунгъа барып, айт: РАББИ, еудийлернинъ Алласы: «Манъа къурбан чалмакъ ичюн, халкъымны йибер», – дей.

Чыкъыш 9:13

Сонъ РАББИ Мусагъа: – Ярын саба эрте турып, фыравуннынъ козю огюне бар, – деди. – Онъа бойле деп айт: РАББИ, еудийлернинъ Алласы: «Манъа ибадет этмек ичюн, халкъымны йибер, – деп буюра.

Матта 3:9

Лякин ичинъизден: «Ибраим бизим бабамыз!» – деп, ич тюшюнменъиз. Мен сизлерге шуны айтам: Алла Ибраимге балаларны мына бу ташлардан япа биле.

Фаалиет 22:3

– Мен еудий акъайым. Киликиянынъ Тарс шеэринде догъдым, мында Гъамалиэлнинъ янында тербиелендим. Баба-деделеримизнинъ Къануны эсасында джиддий тербиеленип, бугунь бу ерде топлашкъан эпинъиз киби мен де Алланынъ истегенини гъайретнен беджермеге истей эдим.

Фаалиет 6:1

Исанынъ шегиртлери эп чокълашкъанда, юнан тилинде лаф эткен еудийлер, оларнынъ арасында тул къадынларгъа куньделик ярдым башкъаларындан аз бериле, дегенде, ерли еудийлерге къаршы мемнюниетсизлигини косьтере башладылар.

Римлилерге 11:1

Мен сорайым: Алла Озь халкъыны ред эттими? Асыл ёкъ! Мен озюм Ибраимнинъ союндан, Биньямин къабилесинден бир исраиллим.

Римлилерге 9:4

Алла оларны огъуллыкъкъа алды, оларгъа Озь Шуретини косьтерди, васиетлерини ве Къанунны берди, ибадет этмеге огретти ве ваделерини берди.

Галатиядакилерге 3:16

Ибраимге ве онынъ эвлядына ваделер берильген эдилер. «Эвлятларынъа» айтылмагъан эди, чокълукъ акъкъында айтылмады, аксине, бир эвляды акъкъында киби: «Сенинъ эвлядынъа», – айтылгъан эди. Бу эвлят – Месихтир.

Филиплердекилерге 3:5

секиз куньлюгимде мен сюннет олдым, Исраиль халкъындан, Биньямин къабилесинден чыкътым, мен темиз еудийим. Къанунны беджергенимде – ферисе олам.