2 Коринтлилерге 10:7 - Мукъаддес Китап

⁷ Сизлер тек корюнген шейлерге бакъасынъыз. Эгер бир адам озюни Месихке инангъан адам деп сайса, о, шуны акълында тутсун: о, Месихнинъ тарафдары насыл олса, бизлер де Месихнинъ тарафдары оламыз.

2 Коринтлилерге 10:7 ပူးပေါင်းရင်းမြစ်များ

Матта 23:5

Олар бутюн ишлерни, инсанларгъа корюнмек ичюн япалар. Дува къутуларыны кенъдже ве урбаларынынъ пускюллерини узунджа япалар.

Лука 16:15

Амма Иса оларгъа: – Сиз адамларнынъ огюнде озюнъизни инсафлы этип косьтересиз, лякин Алла юреклеринъизни биле. Адамларда кокке котерильген шей Алланынъ огюнде пистир, – деди.

Юхан 7:24

Корюнишине коре суд этменъиз, лякин адалетли суд этинъиз, – деди.

1 Коринтлилерге 1:12

Аранъызда: «Мен Павелнинъ издеши», «Мен Аполлоснынъ», «Мен Кифанынъ», «Мен Месихнинъ», – деген лафлар бар. Мен шуны айтмагъа истейим:

1 Коринтлилерге 14:37

Эгер бириси озюни пейгъамбер я да рухий адам сайса, сизлерге язгъанларым – Раббининъ эмирлери олгъаныны анъласын.

1 Коринтлилерге 15:23

Эр ким озь невбетинде тириле: биринджи – Месих, сонъра, О келеджек сонъ, Месихке инангъанлар тириледжек.

1 Коринтлилерге 3:23

Сизлер исе – Месихнинъки, Месих исе – Алланынъкидир.

1 Коринтлилерге 9:1

Мен азат дегилимми? Мен эльчи дегилимми? Раббимиз Иса Месихни корьмедимми? Рабби ёлунда япкъан ишимнинъ махсуллары сизлер дегильсинъизми?

2 Коринтлилерге 10:1

Мен, Павел, сизинъ аранъызда юваш, сизден узакъта исе джесюр олып, шимди сизлерге Месихнинъ алчакъгонъюллиги ве йымшакълыгъынен мураджаат этем.

2 Коринтлилерге 11:18

Чокъусы бу дюньяда макътаналар, шунынъ ичюн мен де макътанырым.

2 Коринтлилерге 11:23

Олар Месихнинъ хызметчилерими? Мен акълымны джойгъан киби айтам: мен олардан буюгим! Иш десенъиз, мен олардан чокъ чалыштым. Зиндан десенъиз, олардан чокъ зинданда яттым. Котек десенъиз, мен олардан чокъ котек ашадым, атта чокъ кере олюмге якъын олдым.

2 Коринтлилерге 11:4

Адамлар сизге келип, Иса акъкъында башкъа шейлерни, биз сизге бильдирмеген шейлерни икяе эткенде, я да сизлер алгъан Рухтан башкъа бир рухны алгъанда, я да къабул эткен Къуванчлы Хаберден башкъа бир хаберни эшиткенде, сиз шуны, яхшы шейни киби, къабул этесинъиз!

2 Коринтлилерге 12:11

Мен макътанып, акъылсыз киби олдым. Амма мени бунъа озьлеринъиз меджбур эттинъиз. Мени макътамакъ сизге керек эди. Мен ич бир шей олмасам да, анавы «буюк эльчилер»ден бетер дегилим.

2 Коринтлилерге 13:3

Меним ярдымымнен Месих айткъанына делиль къыдырасыз. Месих такъаттан кесильмеди ве аранъызда Озь къудретини косьтере.

2 Коринтлилерге 5:12

Биз сизлерге озюмизни ким олгъанымызны кене косьтермеге тырышмаймыз, амма сизлерге бизнен макътанмагъа ёл ачамыз. О вакъыт ичинде олгъан шейлерни гизлеген, лякин къыяфетинен макътангъан адамларгъа джевап берип олурсыз.

Галатиядакилерге 3:29

Эгер сиз Месихнинъки олсанъыз, сонъ сиз Ибраимнинъ де эвляды оласынъыз ве, берильген вадеге коре, мирасчысынъыз.

1 Юхан 4:6

Биз исе Алладанмыз. Ким Алланы таныса, о, бизни динълей. Алладан олмагъан исе бизни динълемей. Бойлеликнен, биз акъикъат Рухуны ве ялан рухуны таныймыз.

1 Падишалар 16:7

Лякин РАББИ Смаилге: – Сен онынъ дюльбер къыяфетине, юксек боюна бакъма. Мен оны ред эттим. Мен адам киби бакъмайым. Адам адамнынъ юзюне бакъа, РАББИ исе юрегине бакъа, – деди.