2 Коринтлилерге 10:1 - Мукъаддес Китап

¹ Мен, Павел, сизинъ аранъызда юваш, сизден узакъта исе джесюр олып, шимди сизлерге Месихнинъ алчакъгонъюллиги ве йымшакълыгъынен мураджаат этем.

2 Коринтлилерге 10:1 ပူးပေါင်းရင်းမြစ်များ

Зебур 45:4

Сувлар шувулдап, копюрильсе де, дагълар фуртунадан титресе де, биз къоркъмамыз! Сэла

Зекерья 9:9

Эй, Сион къызы, чокъ къуван! Къуванчтан къычыр, эй, Ерусалим къызы! Мына, сенинъ падишанъ санъа келе! О, къабаатсыз. О, къуртарув бере. О, алчакъгонъюлли, эшек устюнде, эшек баласы устюнде отура!

Матта 11:29

Мен буюргъан шейлерни бойнунъызгъа алып, Манъа бойсунынъыз ве Менден огренинъиз, чюнки Мен йымшакъ ве алчакъгонъюллим. Сонъ джанларынъыз раат олур.

Матта 21:5

Сион къызына айтынъыз: – Мына, Озю алчакъгонъюлли, яш эшекнинъ ве юк ташыгъан эшекнинъ баласы устюнде янынъа сенинъ Падишанъ келе.

Фаалиет 8:32

Онынъ Языдан окъугъан ери бу эди: – Оны къой киби соймагъа айдап кетирдилер, къозу юнь къыркъкъан адамнынъ алдында индемейип тургъан киби, О Озь агъзыны ачмады.

Римлилерге 10:20

Ешая да догърудан Алланынъ сёзлерини айта: «Къыдырмагъанлар Мени тапты, истемегенлерге Озюмни ачыкъ косьтердим».

Римлилерге 12:1

Агъа-къардашларым, сизге Алланынъ мераметинен ялварам: тири ве азиз, Алла бегенген къурбанлыкъ киби, джанларынъызны Аллагъа беринъиз. Бойле ибадет акъикъийдир.

Римлилерге 15:15

Амма, агъа-къардашларым, бу мектюпте мен сизге бир къач шейлерни ачыкъ-айдын язып, Алла манъа берген эйилигини акъылынъызгъа кетирмеге истедим.

1 Коринтлилерге 2:3

Аранъызда олгъанда, мен къуветсиз эдим, къоркъудан къалтырай эдим.

1 Коринтлилерге 4:10

Бизлер Месих ичюн акъылсыз, сизлер исе Месихте акъыллысыз! Биз зайыфмыз, сизлер исе кучьлю! Сизлер шуретли, биз исе урьметсиз оламыз!

1 Коринтлилерге 4:21

Сиз не истейсинъиз? Янынъызгъа таякънен, я да севгинен ве муляйимлик рухунен барайыммы?

2 Коринтлилерге 10:10

Базылары: «О, мектюплеринде серт ве кучьлю, амма озю къуветсиз ве сёзге уста дегиль», – дейлер.

2 Коринтлилерге 10:2

Базы адамлар, биз озь истеклеримизге коре яшаймыз, деп саялар. Сизге бараджакъ вакъытта мен оларнен джесюр ве къатты сёзлернен лаф этмеге ниетленем. Лякин сизден ялварып сорайым, буны япмагъа мени меджбур этменъиз!

2 Коринтлилерге 10:7

Сизлер тек корюнген шейлерге бакъасынъыз. Эгер бир адам озюни Месихке инангъан адам деп сайса, о, шуны акълында тутсун: о, Месихнинъ тарафдары насыл олса, бизлер де Месихнинъ тарафдары оламыз.

2 Коринтлилерге 11:21

Утанып айтам, бизим бойле ишлерге кучюмиз етмез эди! Бойлеликнен, эгер бир адам бир шейде макътанмагъа истесе – акъылсыз адам киби айтам – о вакъытта мен де макътанырым.

2 Коринтлилерге 11:30

Эгер макътанмакъ манъа керек олса, озь къуветсизлигимнен макътанам.

2 Коринтлилерге 12:5

Бойле бир адамнен макътансам олур. Амма озюм акъкъымда макътанып олмам, тек къуветсизлигимнен макътанырым.

2 Коринтлилерге 3:12

Ойле умютнен биз ачыкъ-айдын арекет этемиз,

2 Коринтлилерге 5:20

Бойлеликнен, биз – Месихнинъ эльчилеримиз, бизим ярдымымызнен адамларны Алла чагъыра. Месихнинъ Адындан ялварамыз: Алланен барышынъыз!

2 Коринтлилерге 6:1

Алланынъ ишдешлери олып, сизге Онынъ эйилигини бошуна къабул этмемеге ялварамыз.

2 Коринтлилерге 7:4

Сизлерге чокъ ишанам, сизлернен чокъ макътанам. Беляларымыз не къадар чокъ олса да, меним юрегим теселлиге толып таша, къуванчым да пек буюк.

Галатиядакилерге 4:13

Сиз билесиз ки, мен сизлерге Къуванчлы Хаберни биринджи сефер бильдиргенимде, мен озюм хаста эдим.

Галатиядакилерге 5:2

Мен, Павел, сизлерге буны айтам: эгер сизлер сюннет олсанъыз, Месих сизлерге файда этмез.

Эфеслилерге 3:1

Шу себептен мен, Павел, сиз ичюн, еудий олмагъан халкълар ичюн, Иса Месихнинъ мабюси олдым…

Эфеслилерге 4:1

Шу себептен мен, Рабби ичюн мабюс, сизлерге ялварам: сиз алгъан чагъырувгъа коре, ляйыкъ алда яшанъыз,

Филиплердекилерге 4:5

Сизинъ алчакъгонъюллигинъиз эписине белли олсун. Рабби якъын.

Колоссайлыларгъа 1:23

эгер сиз иманынъызда къатты ве темелли олсанъыз ве Къуванчлы Хабердеки умюттен юзь чевирмесенъиз. Бу Къуванчлы Хаберни сиз эшиттинъиз; о, коклер астындаки яратылгъан эр бир шейге бильдирильди. Мен, Павел, онынъ хызметчиси олдым.

2 Тессалоникелилерге 3:17

Мен, Павел, озь къолумнен бу селямны язам. Эр бир мектюбимде бу меним бельгимдир. Мен бойле язам.

Филимонгъа 1:19

Мен, Павел, буны озь къолумнен язам: мен тёлерим. Лякин сен де озюнъни манъа борджлу олгъанынъны акълынъа кетирмеге керекмей.

Филимонгъа 1:9

лякин севгинен ялварам. Мен, Иса Месихнинъ эльчиси Павел, энди Онынъ мабюси,

1 Пётр 2:11

Севимлилерим, мен сизлерге, бу дюньяда ябанджы ве вакътынджа яшагъанларгъа ялварам: джангъа къаршы дженк эткен беден истеклеринден узакълашынъыз.

Сырларнынъ ачылувы 1:9

Мен – Юханым, дин къардашынъызым, Иса Месихнен бирликте олып, сизнен берабер къувулам, сизнен берабер Алланынъ падишалыгъында булунам, сизнен берабер сабыр этем. Алланынъ Сёзюни ве Иса Месих акъкъында хаберни даркъаткъаным ичюн, мени Патмос адасына сюргюн эттилер.