1 Пётр 5:14 - Мукъаддес Китап

¹⁴ Бири-биринъизни севгинен опип селямлашынъыз. Сизге, Иса Месихке инангъанларгъа, тынчлыкъ-аманлыкъ олсун!

1 Пётр 5:14 ပူးပေါင်းရင်းမြစ်များ

Матта 5:47

Эгер сиз тек дин къардашларынъызгъа селям берсенъиз, бунен буюк иш яптынъызмы? Аллагъа инанмагъанлар да бойле япмайлармы?

Юхан 14:27

Мен сизге барышыкъ къалдырам, Озь барышыгъымны сизге берем. Дюнья бергени киби Мен бермейим. Юреклеринъиз сыкъылмасын, къоркъманъыз.

Юхан 16:33

Сиз Менде барышыкъ тапмакъ ичюн буларны сизге айттым. Дюньяда къаза-беля ичинде яшарсынъыз. Лякин джесюр олунъыз: Мен бу дюньяны енъдим.

Юхан 20:19

Шу куннинъ акъшамында, афтанынъ биринджи кунюнде шегиртлер, еудий башлыкъларындан къоркъып, эвнинъ къапуларыны къапатып отура эдилер. О вакъыт Иса пейда олды. Шегиртлернинъ ортасында турып, оларгъа: – Селям алейкум! – деди.

Юхан 20:26

Секиз куньден сонъ Исанынъ шегиртлери кене эвде топлаштылар. Оларнен берабер Тома да эди. Къапулары къапалы олгъан олса да, Иса кельди ве оларнынъ ортасында турып: – Селям алейкум! – деди.

Римлилерге 1:7

Алла севген ве азиз олмагъа чагъыргъан, бутюн Рим шеэринде яшагъан иманлыларгъа: Алла Бабамыз ве Рабби Иса Месих сизге эйилик ве тынчлыкъ-аманлыкъ берсин!

Римлилерге 16:16

Бири-биринъизнен азиз опюшнен селямлашынъыз. Бутюн Месих джемиетлери сизлерге селям этелер.

Римлилерге 8:1

Бойледже, Иса Месихнен бир олгъанларгъа гуналары ичюн джеза олмайджакъ.

1 Коринтлилерге 1:30

Сиз Алланынъ арекети ичюн Иса Месихнен бирлештинъиз. Иса бизим ичюн Алланынъ икмети олды, бизни акълады, азиз этти ве къуртарды.

1 Коринтлилерге 16:20

Бутюн дин къардашлар сизлерге селям ёллайлар. Азиз опюшнен селямлашынъыз.

2 Коринтлилерге 13:12

Азиз опюшнен селямлашынъыз. Алланынъ бутюн азизлери сизлерге селям этелер.

2 Коринтлилерге 5:17

Демек, Месихке инангъан адам – янъы яратылгъан инсандыр. Эски олгъаны ёкъ олды, энди янъы олгъаны пейда олды.

Эфеслилерге 6:23

Алла Баба ве Рабби Иса Месих агъа-къардашларыма тынчлыкъ-аманлыкъ, иман ве севги берсинлер.

1 Тессалоникелилерге 5:26

Бутюн агъа-къардашларны азиз опюшнен селямланъыз.

1 Пётр 1:2

(Алла Баба эвельден бильгени киби, сиз сайлангъан эдинъиз, Мукъаддес Рух сизни азиз этти, ве сиз итаат эттинъиз, Иса Месихнинъ къанынен темизлендинъиз): Эйилик ве тынчлыкъ-аманлыкъ сизде чокълашсын!

3 Юхан 1:14

Якъында сени корьмеге умют этем, о вакъыт козьме-козь лаф этермиз.