1 Падишалар 7:10 - Мукъаддес Китап

¹⁰ Смаил къозуны къурбан чалып бутюнлей якъкъанда, фелестинлилер Исраильнен дженклешмеге кельдилер. Лякин РАББИ о куню фелестинлилерге кучьлю гудюрдинен гудюрдеп, оларны къоркъузып шашмалатты, ве фелестинлилер Исраиль огюнде енъильдилер.

1 Падишалар 7:10 ပူးပေါင်းရင်းမြစ်များ

Зебур 18:15

Агъзымдан чыкъкъан сёзлернен, юрегимден кечкен тюшюнджелернен разы ол, я РАББИ! Сен – меним таянгъан Къаям ве Къуртарыджымсынъ!

Зебур 29:3

Я РАББИ, Аллам, мен Сенден ярдым истедим, ве Сен мени тедавийлединъ.

Зебур 29:4

Джанымны олюлер дюньясындан къайтардынъ, я РАББИ, мезаргъа кирмейджегим ичюн, манъа омюр багъышладынъ.

Зекерья 4:6

О заман о манъа бойле деди: – Бу – РАББИнинъ Зеруббавелге айткъан сёзю: «Къудретнен ве кучьнен дегиль, амма Меним Рухумнен ишинъни беджереджексинъ». Ордуларнынъ РАББИси бойле дей.

Къануннынъ текрары 28:7

Санъа къаршы чыкъаджакъ эписи душманларынъны РАББИ сенинъ козюнъ огюнде ураджакъ. Олар санъа бир ёлнен келип уджюм этселер, сенден еди ёлнен къачарлар.

Нун огълу Ехошуа 10:10

Душманлар исраиллилерни корьгенде, РАББИ оларны рухтан тюшюрди, ве исраиллилер оларны Гивонда бутюнлей енъдилер, эм де Бет-Хорон дагъына кеткен ёл бою артларындан къувалап, Азекъа ве Маккедагъа къадар ольдюрдилер.

Къадылар 4:15

РАББИ ойле япты ки, Баракъ къылычнен Сисераны ве онынъ дженк арабаларыны, бутюн ордусыны къоркъузып шашырды. Сисера арабасындан секирип къачты.

Къадылар 5:20

Йылдызлар коклерден дженкке кириштилер, коклерден чыкъып, Сисеранен дженк эттилер!

Къадылар 5:8

Олар янъы аллаларны сайлап алды, шунынъ ичюн шеэрлернинъ къапусына дженк кельди! Къыркъ бинъ исраиллининъ къылыч ве къалкъанлары къайда къалды?

1 Падишалар 12:17

Шимди ашлыкъ ормакъ вакъты дегильми? Лякин мен РАББИни чагъырырым да, О, гудюрди ве ягъмур йиберер. Сонъ сиз, озюнъизге падиша талап этмекнен РАББИнинъ огюнде насыл буюк гуна къазангъанынъызны корер ве билирсинъиз, – деди.

1 Падишалар 14:15

Тарладаки Фелестин ордусыны шиддетли къоркъу сарып алды. Илери болюклер ве эр ерни дарма-дагъын эткен адамлары къалтырап башлады, бутюн ер титреди, ве эписини Алладан кельген буюк къоркъу къаплады.

1 Падишалар 2:10

РАББИ Онъа къаршы чыкъкъанларны ер юзюнден силир, оларгъа коклерден РАББИнинъ гудюрдиси энер. РАББИ бутюн дюньяны суд этер. Озю къойгъан падишасына кучь берер, Озю сайлагъан Месихни къуветнен пекитип, шуретлер.

1 Падишалар 7:11

Исраиллилер Мицпадан чыкътылар, фелестинлилернинъ артындан къувып, оларны Бет-Къар ерине къадар ольдюрдилер.