1 Падишалар 6:4 - Мукъаддес Китап

⁴ Олар: – Къабаатымыз ичюн биз Онъа насыл бахшышлар кетирмек керекмиз? – деп сорадылар. Булар: – Фелестин башлыкъларынынъ сайысына коре беш дане алтындан ясалгъан шишик ве беш дане алтын сычан. Сизинъ эпинъизге ве башлыкъларынъызгъа бир сой джеза берильген де, – дедилер.

1 Падишалар 6:4 ပူးပေါင်းရင်းမြစ်များ

Чыкъыш 12:35

Исраиллилер, Муса айткъаны киби япып, мысырлылардан кумюш шейлерни, алтын шейлерни ве урбаларны сорадылар.

Нун огълу Ехошуа 13:3

Мысырдан шаркъта яткъан Шихор дерьясындан башлап, шимальде яткъан Экроннынъ сынъырларынадже, ханаанлыларнынъ деп сайылгъан, амма беш фелестинли укюмдарларнынъ топрагъы – Гъаза, Ашдод, Ашкелон, Гъат ве Экрон шеэрлери ве аввалыларнынъ виляетлери.

Къадылар 14:19

Шимшонны РАББИнинъ Руху къаплады. Шимшон Ашкелонгъа кетип, анда отуз киши ольдюрди, урбаларыны чыкъарып, тапмаджасыны чезген адамларгъа берди. Сонъ исе пек ачувлы алда бабасынынъ эвине къайтып кетти.

Къадылар 3:3

беш дане Фелестин падишасы, ханаанлыларнынъ эписи, сидонлылар ве Баал-Хермон дагъындан Лево-Хаматкъа къадар Ливан дагъларында яшагъан хивлилердир.

1 Падишалар 5:12

Ольмегенлернинъ беденлерини шишик басты, яйгъаралары тап коклерге барып етти.

1 Падишалар 5:6

РАББИ ашдодлыларгъа пек гъазапланды. Ашдодда ве этрафларында яшагъанларны къырып, оларны азап кетирген шишиклернен джезалады.

1 Падишалар 5:9

Оны анда кетирген сонъ, РАББИ Гъат шеэрине пек гъазапланды – дешетли къоркъунен къоркъузды, ве Гъат сакинлерининъ, кучюк олсун, буюк олсун эписининъ беденлеринде азаплы шишиклер пейда олды.

1 Падишалар 6:5

– Бойлеликнен, шишиклеринъизнинъ эйкеллерини ве топракъларынъызны бошаткъан сычанларнынъ эйкеллерини япынъыз да, Исраиль Алласына шукюрлер этинъиз. Бельки О, сизге, аллаларынъызгъа ве топрагъынъызгъа тюшкен гъазабыны азлаштырыр.

1 Падишалар 6:8

РАББИнинъ Сандыгъыны алып, арабанынъ устюне къоюнъыз. Къабаатынъыз ичюн бахшыш кетирильген алтын эйкеллерни янындаки къуту ичине къоюнъыз. Сонъ арабаны йиберинъиз, кете берсин.