1 Падишалар 6:3 - Мукъаддес Китап

³ Булар исе: – Эгер Исраиль Алласынынъ Сандыгъыны ерине къайтармагъа истесенъиз, оны бош йиберменъиз, амма ишлеген къабаатынъыз ичюн бахшышлар кетиринъиз. О заман сагълам олурсынъыз ве Алланынъ гъазабы сизден не себептен къайтмагъаныны билирсинъиз, – дедилер.

1 Падишалар 6:3 ပူးပေါင်းရင်းမြစ်များ

Эюп акъкъында китап 10:2

Аллагъа: «Мени къабаатлама. Айт манъа, не ичюн меннен давалашасынъ?» – дейджегим.

Чыкъыш 23:15

Маясыз Пишкен Пите Байрамыны япынъыз. Мен санъа эмир эткеним киби, Авив айында тайинленген куньлерде еди кунь маясыз пишкен пите ашанъыз. Сиз Мысырдан бу айда чыкъып кеткен эдинъиз. Меним огюме кимсе бош къолнен кельмесин.

Чыкъыш 34:20

Эшекнинъ биринджи догъгъан эркек баласы ичюн къой я да эчкининъ эркек баласыны беринъиз. Бермеге истемесенъиз, эшек баласынынъ бойнуны сындырынъыз. Эписи биринджи догъгъан огъланларынъыз ичюн айваннынъ янъы догъгъан баласыны беринъиз. Меним огюме кимсе бош къолнен кельмесин.

Чыкъыш 8:15

Фыравун, енгиллик олгъаныны корип, юрегини таш киби къаттырды ве, РАББИ айткъаны дайын, Мусанен Харунны динълемеди.

Левийлилер 5:6

ве озь къабааты ичюн РАББИге къой-эчкилер сюрюсинден къозуны я да улакъны къабаат ичюн къурбан оларакъ алып кетирмек керек. Сонъ руханий онынъ гунасы ичюн одеме этер.

Левийлилер 6:6

Къабаат ичюн къурбан оларакъ о, къабааты ичюн сен кескен фиятынъа коре, къой сюрюсинден къусурсыз къочкъарны алып, руханийге кетирсин.

Къануннынъ текрары 16:16

Йылда учь кере эписи акъайларынъыз Алланъ олгъан РАББИ сайлайджакъ ерге, Онынъ огюне кельмек кереклер: Маясыз Пишкен Пите Байрамында, Афталар Байрамында ве Чалашлар Байрамында. РАББИнинъ огюне кимсе бош къолнен кельмесин.

1 Падишалар 5:11

Бутюн Фелестин башлыкъларыны чагъыртып топладылар ве: – Исраиль Алласынынъ Сандыгъыны къайтарып йиберинъиз. Алла бизни ве халкъымызны ольдюрмесин деп, Сандыкъ озь ерине къайтсын, – дедилер. Шеэрни олюм къоркъусы сарды. РАББИнинъ гъазабы пек къатты эди.

1 Падишалар 5:7

Ашдодлылар бойле шей олгъаныны корип: – Исраиль Алласынынъ Сандыгъы бизде къалмасын, чюнки Онынъ гъазабы бизге де, бизим алламыз Дагонгъа да пек къатты тие, – дедилер.

1 Падишалар 5:9

Оны анда кетирген сонъ, РАББИ Гъат шеэрине пек гъазапланды – дешетли къоркъунен къоркъузды, ве Гъат сакинлерининъ, кучюк олсун, буюк олсун эписининъ беденлеринде азаплы шишиклер пейда олды.

1 Падишалар 6:8

РАББИнинъ Сандыгъыны алып, арабанынъ устюне къоюнъыз. Къабаатынъыз ичюн бахшыш кетирильген алтын эйкеллерни янындаки къуту ичине къоюнъыз. Сонъ арабаны йиберинъиз, кете берсин.

1 Падишалар 6:9

Озюнъиз бакъып турунъыз. Эгер Сандыкъ озюнинъ сынъырларына, Бет-Шемешке кетсе, шу буюк беляны бизге РАББИ кетирди. Эгер ёкъ исе, бу Онынъ иши дегиль де, озюнден озю олгъаныны анълармыз, – дедилер.