1 Падишалар 6:21 - Мукъаддес Китап

²¹ Сонъ Кирьят-Ярим сакинлерине хаберджилер йиберип: – Фелестинлилер РАББИнинъ Сандыгъыны къайтардылар. Келип, оны озюнъизге алынъыз, – дедилер.

1 Падишалар 6:21 ပူးပေါင်းရင်းမြစ်များ

2 Падишалар 6:2

О, бутюн халкънен берабер Алланынъ Адыны, Ордулар Раббисининъ Адыны ташыгъан Сандыкъны – Керувларнынъ Устюнде Отургъан РАББИнинъ Сандыгъыны Баале-Ехудадан алмагъа чыкъты.

Йирмея 26:20

Даа бир адам, Кирьят-Ярим шеэринде яшагъан Шемаянынъ огълу Урия, РАББИнинъ Адындан пейгъамберлик этти. О да бу шеэрге ве бу топракъкъа къаршы, Йирмеянынъ бутюн айткъаны киби, пейгъамберлик этти.

Йирмея 7:12

– Башында Адымны ерлештирген ериме Шилогъа кетинъиз, Исраиль халкъымнынъ яманлыгъы ичюн онъа не япкъанымны корюнъиз.

Йирмея 7:14

Шилогъа не япкъан олсам, сиз ишангъан, Меним Адымнен адлангъан Эвиме, деделеринъизге ве сизге берген бу ерге де айнысыны япаджагъым,

Нун огълу Ехошуа 15:60

Кирьят-Баал (яни Кирьят-Ярим), ве Рабба – койлеринен берабер эки шеэр.

Нун огълу Ехошуа 15:9

Дагъ тёпесинден сынъыр Нефтоах чокърагъына узана, андан да Эфрон дагъынынъ шеэрлерине, сонъ Баалагъа, я да Кирьят-Яримге тараф чевире эди.

Нун огълу Ехошуа 18:14

Бет-Хороннынъ къаршысында олгъан тёпеликтен, дженюпте сынъыр гъарп тарафы бою дженюпке айлана ве Кирьят-Баал, яни Кирьят-Ярим (Ехуда огъулларынынъ шеэри) янында бите эди. Бу онынъ гъарбий тарафы эди.

Нун огълу Ехошуа 9:17

Исраиллилер ёлгъа чыкъып, учюнджи куню хивлилернинъ шеэрлери Гивон, Кефира, Беэрот ве Кирьят-Ярим янына кельдилер.

Къадылар 18:12

Ёлгъа чыкъып, Ехудада Кирьят-Яримнинъ якъынларында ордусыны ерлештирдилер. Шу ерге шимдиге къадар Махане-Дан дейлер. О, Кирьят-Яримнинъ артында ерлешкен.