1 Падишалар 31:1 - Мукъаддес Китап

¹ Фелестинлилер исраиллилернен дженк эттилер, ве Исраиль аскерлери фелестинлилерден къачып, Гилбоа дагъында эляк олдылар.

1 Падишалар 31:1 ပူးပေါင်းရင်းမြစ်များ

2 Падишалар 1:21

Гилбоа дагълары! Устюнъизге чыкъ тюшмесин, ягъмур ягъмасын, тарлаларынъыз емиш бермесин, чюнки къараманларнынъ къалкъаны – Шаулнынъ къалкъаны – анда арамланды, энди зейтюн ягъынен сюртюльмеди.

2 Падишалар 1:6

Йигит: – Мен Гилбоа дагъларына тесадюфен кельдим, бакъсам, Шаул озь мызрагъына таяна, онынъ артындан исе арабаларда аскерлер келип етмекте эдилер.

2 Падишалар 4:4

Шаул огълу Ёнатаннынъ Мефивошет адлы, аякълары топал огълу бар эди. О, беш яшында олгъанда, Йизреэлден Шаул ве Ёнатаннынъ олюми акъкъында хабер кельди. Даясы оны алып къачты. Ашыкъып къачкъанда, бала тюшти ве аякъалары зарарланды. Бундан сонъ топаллап башлады.

1 Падишалар 12:25

Эгер де яманлыкъ этеджек олсанъыз, озюнъиз де, падишанъыз да гъайып оладжакъ, – деди.

1 Падишалар 28:1

О заманларда фелестинлилер исраиллилернен дженк этмек ичюн ордуларыны топлады. Акиш Давуткъа: – Шуны биль ки, сен де, адамларынъ да меннен берабер ордуларымда кетеджексинъиз, – деди.

1 Падишалар 28:15

Смаил Шаулдан: – Не ичюн мени раатсыз этип, чыкъаджагъымны истейсинъ? – деп сорады. Шаул джевапланып: – Манъа пек агъыр олды. Фелестинлилер манъа къаршы дженк этелер, Алла исе менден юзюни чевирди, манъа не тюшюмде, не пейгъамберлернен бир тюрлю джевап бермей. Шунынъ ичюн сени чагъырдым. Не япайым, манъа акъыл огрет, – деди.

1 Падишалар 28:19

Энди О, Исраильни де, сени де фелестинлилернинъ къолуна теслим этеджек: ярын сен де, огъулларынъ да мен олгъан ерде оладжакъсынъыз, Исраиль ордусыны исе РАББИ фелестинлилернинъ къолуна теслим этеджек, – деди.

1 Падишалар 28:4

Фелестинлилер топлашып, Шунемде ордусынен ерлештилер. Шаул да бутюн исраиллилерни топлады, ве олар Гилбоада ерлештилер.

1 Падишалар 29:1

Фелестинлилер бутюн ордуларыны Афекте топладылар. Исраиллилер исе ордусыны Йизреэлдеки чокъракънынъ янында ерлештирдилер.