1 Падишалар 30:21 - Мукъаддес Китап

²¹ Болдурып, Давутнынъ пешинден барып оламагъан ве Бесор дереси янында къалдырылгъан 200 адамларынынъ янына кельгенде, олар онынъ ве адамларынынъ къаршысына чыкътылар. Давут оларгъа якъынлашып, оларнен селямлашты.

1 Падишалар 30:21 ပူးပေါင်းရင်းမြစ်များ

Еудийлерге 13:1

Бири-биринъизни агъа-къардашларынъызны киби севинъиз.

1 Пётр 3:8

Сонъунда, сиз эпинъиз бир фикирде ве шефкъатлы олунъыз, бири-биринъизни агъа-къардаш киби севинъиз. Бири-биринъизге мераметлик ве алчакъгонъюллик косьтеринъиз.

Къадылар 8:15

Гидон Сукъкъот сакинлерине келип: – Мына Зевах ве Цалмунна! Сизлер, Зевах ве Цалмуннаны тутмагъаным ичюн, манъа ве ёрулгъан адамларыма аш бермейджекмиз, деп, меним устюмден кульдинъиз, – деди.

1 Падишалар 17:18

Бу он дане къашкъавалны исе бинъбашына алып кет. Агъаларынънынъ ишлери насыл олгъаныны биль ве олардан бир хабер алып кель, – деди.

1 Падишалар 17:22

Давут озь юкюни орду емегини къаравуллагъан адамгъа къалдырып, дженк сыраларына чапты.

1 Падишалар 30:10

Давут ве 400 адамы исе къуваламагъа девам эттилер. Къалгъан 200 адам къалды. Олар ойле болдургъан эдилер ки, атта Бесор дересини кечмеге аллары къалмагъан эди.

1 Падишалар 30:22

Сонъ Давутнен кеткен бир къач яман ве бир шейге ярамайджакъ адамлар: – Олар бизнен берабер кетмегенлери ичюн, айды, оларгъа авдан бир шей бермейик, тек озьлерининъ къадын ве балаларыны алсынлар да кетсинлер, – дедилер.