1 Падишалар 28:9 - Мукъаддес Китап

⁹ Лякин къадын онъа: – Мытлакъа билесинъ ки, Шаул мемлекеттен эписи джады ве тылсымджыларны къувды. Айса не ичюн джанымны тузакъкъа тюшюрип, меним олюмимни истейсинъ? – деди.

1 Падишалар 28:9 ပူးပေါင်းရင်းမြစ်များ

2 Падишалар 18:13

Эгер мен онынъ джанына зарар кетирсем, падиша бундан хабердар олур. Сен озюнъ менден юзь чевирирсинъ, – деди.

4 Падишалар 5:7

Исраиль падишасы мектюпни алып окъуды да, устюндеки урбасыны йыртты ве: – Ёкъса, мен ольдюрмек ве олюлерни тирильтмек кучюне саип олгъан Алламмы?! Не ичюн манъа тери хасталыгъыны тедавийлемеге адамны йибере? Мына бакъынъыз да корюнъиз: о, къавгъа чыкъармакъ ичюн мана къыдыра! – деди.

Левийлилер 19:31

Рухларнен лаф эткенлерге барманъыз, джинлерни чагъыргъанларны къыдырманъыз. Ёкъса сиз арам олурсыз. Мен – РАББИм, сизинъ Алланъыз.

1 Падишалар 28:10

Шаул РАББИнинъ огюнде сёз берип: – Алла тёпеде бар! Бу ишинъ ичюн санъа бир джеза олмаз, – деди.

1 Падишалар 28:3

Шу заманда Смаил энди кечинген эди. Бутюн исраиллилер агълап, оны озюнинъ шеэринде, Рамада джыйгъан эдилер. Шаул эписи джады ве тылсымджыларны мемлекеттен къувгъан эди.