1 Падишалар 28:21 - Мукъаддес Китап

²¹ О къадын Шаулнынъ янына келип, онынъ зияде къоркъкъаныны корьди ве: – Ана, къулунъ сёзлеринъни динълеп, джаныны олюм хавфы алтында къалдырды, сен берген эмиринъни беджерди.

1 Падишалар 28:21 ပူးပေါင်းရင်းမြစ်များ

4 Падишалар 6:11

Арамнынъ падишасы шу себептен гъазапланды. Хызметчилерини чагъыртып, олардан: – Айтынъыз манъа, бизимкилерден ким Исраильнинъ падишасына ярдым эте? – деп сорады.

Эюп акъкъында китап 13:14

Башымны неден телюкеге къояйым? Омрюмни неден озь къолума алайым?

Къадылар 12:3

Сизлерден ярдым кельмейджегини анълагъан сонъ, мен озюм, джанымны аямайып, аммонлыларгъа къаршы чыкътым. РАББИ оларны меним къолума берди. Сизлер энди не ичюн манъа къаршы дженклешмеге чыкъасынъыз?

1 Падишалар 19:5

О, фелестинлилерни енъмек ичюн, озь джаныны аямады, ве РАББИ бутюн Исраильге буюк къуртулыш багъышлады. Сен буны корип, къувана эдинъ. Шимди исе не ичюн къабаатсыз къанны тёкип, гуна ишлеп, Давутны себепсиз ольдюрмек истейсинъ я? – деди.

1 Падишалар 28:20

Шаул бирден бутюн беденинен ерге йыкъылды, чюнки Смаилнинъ сёзлеринден пек къоркъты. Эм де такъаттан кесильди, чюнки бутюн кунь ве бутюн гедже бир шей ашамагъан эди.

1 Падишалар 28:22

Энди ялварам, сен де къулунънынъ сёзлерине къулакъ ас: мен санъа бир тилим отьмек берейим, аша, ёлгъа чыкъкъанда, такъатынъ олур, – деди.