1 Падишалар 27:8 - Мукъаддес Китап

⁸ Давут озь адамларынен чыкъып, гешурлылар, гирезлилер ве амалеклилерге уджюм этти. Шу халкълар Шургъа къадар, тап Мысыр топракъларына къадар къадимий заманлардан берли шу ерлерде яшай эдилер.

1 Падишалар 27:8 ပူးပေါင်းရင်းမြစ်များ

2 Падишалар 14:23

Сонъ Ёав Гешур топрагъына кетип, андан Авишаломны Ерусалимге кетирди.

2 Падишалар 14:32

Авишалом Ёавгъа: – Мына, мен сени чагъырттым, сени падишагъа ёлламагъа истедим. Сен падишагъа меним адымдан: «Мен Гешур топрагъындан не ичюн къайтып кельдим? Яхшысы анда къала бергейдим», – айткъанынъны истедим. Мен шимди падишаны корьмеге истейим. Эгер къабаатым олса, о мени ольдюрсин, – деди.

2 Падишалар 15:8

– Мен Арамда, Гешур топрагъында яшагъанда, бойле адакъ бердим: эгер РАББИ мени Ерусалимге къайтарса, мен РАББИге хызмет этеджегим, – дедим.

2 Падишалар 3:22

О вакъыт Давутнынъ аскерлери Ёавнен берабер сеферден къайтып, озьлеринен берабер чокътан-чокъ ав кетирдилер. Авнер Давутнынъ янында Хевронда энди ёкъ эди, чюнки Давут оны йиберген, ве о эсен-аман кеткен эди.

2 Падишалар 3:3

экинджиси – Навалнынъ сабыкъ апайы къармелли Авигаилден олгъан Килеав. Учюнджиси – Маакъа догъгъан Авишалом. Маакъа – Гешур мемлекетининъ падишасы олгъан Талмайнынъ къызы эди.

2 Падишалар 8:12

Давут оларны арамлылардан, моавлылардан, аммонлылардан, фелестинлилерден, амалеклилерден ве Рехов огълундан, Цова падишасы Хададезерден тартып алгъан эди.

1 Тарих вакъиалары 2:23

Лякин гешурлылар ве арамлылар Яирнинъ шеэрлерини, Кенат шеэрини ве этрафындаки койлерни запт эттилер. Джеми оларакъ 60 шеэрчик бар эди. Бутюн бу шеэрлер Гилад огълу Макирнинъ огъулларынынъ шеэрлери эди.

Чыкъыш 15:22

Муса исраиллилерни Къызыл денъиз янындан алып кетти, ве олар Шур сахрасына кельдилер. Сахра бою учь кунь кеттилер, амма сувны тапалмадылар.

Чыкъыш 17:8

Амалеклилер келип, Рефидим деген ерде исраиллилернен дженк эттилер.

Сайылар 13:29

Лякин о ерде яшагъан халкъ кучьлю, шеэрлери янына барылмаз ве пек буюктир. Анда биз Анакънынъ эвлятларыны корьдик.

Сайылар 14:45

Шу дагълыкъта яшагъан амалеклилернен ханаанлылар келип, оларны урып енъдилер ве тап Хорма шеэрине къадар къуваладылар.

Нун огълу Ехошуа 12:5

О, Хермон ве Салекъа дагъларында, бутюн Башан еринде, гешурлыларнынъ ве маакъалыларнынъ топрагъынадже, Гиладнынъ ярысында, Хешбон падишасы Сихоннынъ сынъырынадже укюмдарлыкъ эте эди.

Нун огълу Ехошуа 13:13

Исраиль огъуллары гешурлыларны ве маакъалыларны къуваламадылар, ве бу куньге къадар гешурлылар ве маакъалылар Исраильнинъ арасында яшайлар.

Нун огълу Ехошуа 13:2

Даа енъильмеген топракълар мына: фелестинлилернинъ эписи виляетлери, гешурлыларнынъ бутюн мемлекети,

Нун огълу Ехошуа 16:10

Олар Гезерде яшагъан ханаанлыларны къуваламадылар. Бу куньге къадар ханаанлылар Эфраим огъулларынынъ арасында яшайлар ве оларнынъ ыргъатлары олып, агъыр ишлер япалар.

Къадылар 1:29

Эфраим къабилеси де Гезерде яшагъан ханаанлыларны къувмады. Ханаанлылар оларнынъ арасында Гезерде яшадылар.

1 Падишалар 29:6

Сонъ Акиш Давутны чагъыртып, онъа: – Алла тёпеде бар! Сен намуслы адамсынъ! Меннен берабер ордуда хызмет этсенъ, манъа яхшы олур эди, чюнки сен манъа кельгенинъден берли, мен сенден бир ярамайлыкъ корьмедим. Лякин башлыкъларым сени бегенмейлер.

1 Падишалар 30:1

Учюнджи кунюне Давут ве адамлары Цикълагъгъа кеттилер. Амалеклилер исе Негевни ве Цикълагъны дарма-дагъын эткен эдилер. Цикълагъгъа уджюм этип, оны атешнен якъкъан эдилер,