1 Падишалар 25:18 - Мукъаддес Китап

¹⁸ О заман Авигаил ашыкъып, 200 дане отьмек, эки дане шарап толу мешин торба, беш дане пишмеге азыр олгъан къой, беш буюк савут къавурылгъан богъдай данелери, 100 багъ къурутылгъан юзюм, 200 тёгерек басылгъан инджир алып, эшеклерге юкледи

1 Падишалар 25:18 ပူးပေါင်းရင်းမြစ်များ

2 Падишалар 16:1

Давут дагъдан бираз энгенде, онынъ къаршысына Мефивошетнинъ хызметчиси Цива расткеле. О, эки эшекнинъ аркъасына 200 отьмек, 100 дане юзюм багъы, 100 дане емиш багъы ве бир шарапкъа толу мешин торба юклеп келе эди.

1 Тарих вакъиалары 12:40

Йиссакъар, Зевулун ве Нафталий къабилелеринден олгъан къомшулары да эшеклерге, девелерге, къатырларгъа ве огюзлерге юклеп ашайт махсуллар кетире эдилер. Мында чокътан-чокъ ун, къуру инджир, юзюм къурусы, шарап, зейтюн ягъы, къой-эчки ве туварлар кетириле эди, чюнки Исраильде буюк къуванч бар эди.

Икметли сёзлер 18:16

Анълагъан акъыл-бильги топлай, икметлининъ къулагъы да бильги къыдыра.

Икметли сёзлер 21:14

Гизли берильген бахшыш – гъазапны, къоюнгъа сокъулгъан къапар исе – къызгъын ачувны ятыштыра.

Икметли сёзлер 31:12

Омюрбилля шу апай акъайына яманлыкънен дегиль де, яхшылыкънен къайтара.

Матта 5:25

Эгер бириси сени къадыгъа джевап бермек ичюн алып кетсе, даванъызны даа вакъыт олгъанда, ёл бою чезинъиз. Ёкъса ракъибинъ сени къадыгъа, къады исе аписхане аскерине береджек. Сонъ сени зиндангъа ташларлар.

1 Падишалар 17:17

Йишай Давут огълуна: – Агъаларынъа ярым чувал къавурылгъан богъдай данелери ве мына бу он отьмекни ал да, тез-тез дженк ордусындаки олгъан агъаларынъа чап.

1 Падишалар 25:17

Шимди тюшюнип бакъ, биз не япмалымыз, чюнки бизим саибимиз ве бутюн эвининъ башына мытлакъа беля тюшеджек. О, бир шейге ярамайджакъ адам, онынънен лаф этмеге чареси ёкътыр, – деди.

1 Падишалар 25:34

Лякин, мени санъа ярамайлыкъ этмектен туткъан РАББИнинъ, Исраиль Алласынынъ огюнде догърусыны айтам: эгер сен огюме ашыкъып чыкъмагъан олсанъ, танъ аткъандже Навалнынъ союндан бир эркек адамыны сагъ къалдырмаз эдим, – деди.