1 Падишалар 23:6 - Мукъаддес Китап

⁶ Ахимелек огълу Авиатар Давуткъа Кеилагъа кельгенде, озюнен берабер эфодны кетирген эди.

1 Падишалар 23:6 ပူးပေါင်းရင်းမြစ်များ

3 Падишалар 2:26

Руханий Авиатаргъа исе падиша: – Кет, Анатоткъа, озь тарланъа кет. Сен ольмек керексинъ, амма мен сени шимди ольдюрмем, чюнки сен РАББИ-ТААЛЯнынъ Сандыгъыны Давут бабамнынъ огюнде алып юре эдинъ, бабам чыдагъан шейлерге чыдай эдинъ, – деди.

Чыкъыш 28:6

Алтындан, мор, мавылы къырмызы, ачыкъ къырмызы юньден ве индже ишленген кетенден усталыкънен эфодны япсынлар.

1 Падишалар 14:18

Шаул Ахиягъа: – Алланынъ Сандыгъыны кетир, – деди. Алланынъ Сандыгъы о вакъыт Исраиль огъулларында эди.

1 Падишалар 14:3

Анда эфод кийип юрген Ахия да бар эди. Онынъ бабасы Ахитув, эмджеси Икъавод, къартбабасы Пинехас эди. Пинехаснынъ бабасы исе Элий, Шилода РАББИге руханийлик япкъан адам эди. Халкъ Ёнатаннынъ кеткенини бильмей къалды.

1 Падишалар 22:20

Ялынъыз Ахитувнынъ торуны, Ахимелекнинъ огълу Авиатар къачып къуртулды, Давуткъа къачып кетти,

1 Падишалар 23:2

Давут РАББИге мураджаат этип: – Анда барайыммы, фелестинлилерни енъеримми? – деп сорады. РАББИ Давуткъа: – Бар, фелестинлилерни енъеджексинъ ве Кеиланы азат этеджексинъ, – деп джевап берди.

1 Падишалар 23:5

Сонъ Давут адамларынен берабер Кеилагъа кетти. Фелестинлилернен дженклешти, оларынъ туварларыны айдап кетти, фелестинлилерни буюк магълюбиетке огъратты ве Кеила сакинлерини къуртарды.

1 Падишалар 23:7

Давутнынъ Кеилагъа кельгени акъкъында Шаулгъа еткиздилер, ве Шаул: – Алла Давутны меним къолума теслим этти. О къапу-пенджереси къапалы олгъан шеэрге келип, озю-озюни къапады, – деди.

1 Падишалар 23:9

Давут, Шаул онъа къаршы ярамай шей тюшюнип чыкъаргъаны акъкъында бильген сонъ, руханий Авиатаргъа: – Эфодны кетир, – деди.

1 Падишалар 30:7

Давут РАББИден, Алласындан кучь алып, Ахимелех огълу Авиатаргъа: – Манъа эфодны кетир, – деди. Авиатар эфодны Давуткъа кетирди.