1 Падишалар 23:16 - Мукъаддес Китап

¹⁶ Шаулнынъ огълу Ёнатан Давуткъа Хореш ерине кельди ве оны Аллагъа инанмагъа юреклендирди.

1 Падишалар 23:16 ပူးပေါင်းရင်းမြစ်များ

Нехемья 2:18

Мен оларгъа Алламнынъ ярдымы акъкъында айтып бердим, падишанынъ сёзлерини де айтым бердим. Олар исе: – Айдынъыз, къурайыкъ, – дедилер ве шу хайырлы ишке азырландылар.

Эюп акъкъында китап 16:5

сёзлернен сизни юреклендирип, дудакъларымнен сизге гонъюль берер эдим.

Икметли сёзлер 27:17

Демирни демир къайрай, адамгъа исе башкъа адам акъыл огретир.

Икметли сёзлер 27:9

Гузель ягълар ве къокъулар юрекни къувандыра, достнынъ джан-юректен берген насиаты да татлы келе.

Ехезкель 13:22

Сизлер яланынъызнен инсафлы адамларнынъ гонълюни къырдынъыз, Мен исе оларнынъ джанларыны агъыртмагъа истемедим. Ярамай адамларгъа исе къол туттынъыз ве оларны къавийлештирдинъиз, ве олар озь яман ёлундан чевирильмеди.

Лука 22:32

Лякин Мен, имандан таймасын, деп сен ичюн ялвардым. Сен Манъа къайтып кельгенинъде, къардашларынънынъ иманыны къавийлештир, – деди.

Лука 22:43

Шу арада коктен бир мелек Исагъа корюнип, Онъа къувет бере башлады.

Эфеслилерге 6:10

Не исе, Раббинен ве Онынъ къудретли къуветинен кучьлю олунъыз.

Къануннынъ текрары 3:28

Ехошуагъа насиат бер, онъа юрек берип, оны къавийлештир. О, бу халкънынъ башында олып, озенден кечеджек ве сен кореджек топракъны оларгъа пай этип береджек», – деди.

2 Тимотейге 2:1

Огълум, Иса Месихте тапкъан эйиликнен къавийлеш.

1 Падишалар 23:15

Бир кунь Давут, Шаул оны къыдырып юргенини бильди. О озю Зиф сахрасындаки Хореште эди.

1 Падишалар 30:6

Давут буюк бир хавф алтына тюшти, чюнки халкъ оны ташларнен ольдюреджек олды. Эр бир киши огъуллары ве къызлары ичюн джандан къасеветленди.