1 Падишалар 22:7 - Мукъаддес Китап

⁷ Шаул янындаки хызметчилерине: – Эй, Биньямин огъуллары, мени динъленъиз. Йишайнынъ огълу эпинъизге тарла ве юзюм багъчасы берер, эпинъизни бинъбашы, юзбашы этип къояр, деп беллейсизми?

1 Падишалар 22:7 ပူးပေါင်းရင်းမြစ်များ

2 Падишалар 18:1

Давут озь адамларыны бакъып чыкъып, оларгъа бинъбашы ве юзбашыны къойды.

2 Падишалар 20:1

Шу ерде ярамай бир биньяминли адам – Бикрийнинъ огълу Шева бар эди. О, бору чалып: – Давутта бизим пайымыз ёкъ! Йишай огълунда мирасымыз ёкъ! Эй, исраиллилер, эр биринъиз озь чадырынъызгъа къайтынъыз! – деди.

3 Падишалар 12:16

Бутюн исраиллилер, падиша оларны динълемегенини корип, падишагъа джевап берип: – Давуттан бизге не файда? Йишай огълунда бир пайымыз ёкъ. Эй, Исраиль! Эвлеринъизге къайт! Сен де, Давут, озь сюляленъе озюнъ бакъ! – дедилер, ве бутюн Исраиль озь чадырларына къайтты.

1 Тарих вакъиалары 12:16

Булардан гъайры, бир къач биньяминлилер ве ехудалылар да Давутнынъ пекитильген ерине кельдилер.

Ешая 11:1

Кутюктен филис чыкъкъаны киби, тамырындан бир пытакъ аткъаны киби, Йишайнынъ союнда бир эвлят догъаджакъ.

Ешая 11:10

О куню Йишайнынъ эвляды халкъларгъа котерильген байракъ киби оладжакъ; Онъа миллетлер келеджек, ве О, яшагъан ерлер шуретли оладжакъ.

1 Падишалар 18:14

Бутюн ишлерини акъылнен тута эди, чюнки РАББИ онынъ янында эди.

1 Падишалар 20:27

Байрамнынъ экинджи куню кельди. Давутнынъ ери кене бош къалды. О заман Шаул огълу Ёнатандан: – Йишай огълу тюневин де, бугунь де ашкъа не ичюн кельмеди? – деп сорады.

1 Падишалар 20:30

Шаул Ёнатангъа пек ачувланды ве: – Инат ороспунынъ огълу! Сенинъ ананъны да, озюнъни де масхара этип, Йишай огълунен достлашкъанынъны мен бильмейимми, ёкъса?

1 Падишалар 22:13

Шаул онъа: – Не ичюн сен Йишай огълунен берабер манъа къаршы анълаштынъ, не ичюн сен онъа отьмек ве къылыч бердинъ, манъа къаршы чыкъып, бугунь къапкъан къойсун деп, не ичюн Алладан онынъ акъкъында сорадынъ? – деди.

1 Падишалар 22:9

Шаулнынъ хызметчилеринен берабер отургъан эдомлы Доэг онъа: – Мен, Йишай огълу Нов шеэрине Ахитув огълу Ахимелекке кельгенини корьдим.

1 Падишалар 25:10

Навал Давутнынъ хызметчилерине джевапланып: – Давут ким олгъан? Йишай огълу да ким олгъан? Шимди саиплеринден къачып юрген къуллар чокъ.