1 Падишалар 21:5 - Мукъаддес Китап

⁵ Давут Руханийге: – Мен эр заман дженкке чыкъкъаным киби, бу кере де янымызда къадынларымыз ёкъ эди. Ёлумыз адий олгъан олса да, генчлеримизнинъ беденлери элял олып къалалар. Бойле бир куньде исе олар даа да зияде темизлигини сакълайлар, – деди.

1 Падишалар 21:5 ပူးပေါင်းရင်းမြစ်များ

Чыкъыш 19:14

Муса дагъдан халкъкъа тюшти ве халкъны эляллатты. Олар озь урбаларыны ювдылар.

Чыкъыш 19:15

Муса халкъкъа: – Учюнджи куню азыр олунъыз, апайларынъызгъа токъунманъыз, – деди.

Чыкъыш 25:30

Столнынъ устюне, Меним козюм огюне даима Меним булунувымны косьтерген пителерни къой.

Левийлилер 24:9

Пителер Харуннынъ ве онынъ огъулларынынъки олсун. Олар пителерни азиз ерде ашасынлар. РАББИнинъ бахшышларындан бу оларгъа улу азизликтир. Бу, эбедий низамнамедир.

Левийлилер 8:26

Сонъ РАББИнинъ огюнде тургъан такос питеге толу сепеттен бир такос питени, ягънен басылгъан бир такос питени, пишкен сонъ устюне ягъ сюртюльген такос питени алды ве айваннынъ ягъынынъ ве онъ аягъынынъ устюне къойды.

Фаалиет 9:15

Рабби Иса онъа: – Адымны тюрлю халкълар, падишалар ве Исраиль огъулларынынъ огюнде илян этмек ичюн, Мен бу адамны сайладым.

1 Коринтлилерге 7:5

Бири-биринъизден баш тартманъыз. Тек озьара келишкен сонъ, аштан-сувдан вазгечмек ве дува окъумакъ ичюн, вакътынджа айры олмакъ мумкюн. Сонъ кене берабер олунъыз, ёкъса озюнъиз берабер ятмагъанынъыздан файдаланып, Шейтан сизлерни ёлдан ураджакъ.

1 Пётр 3:17

Яхшылыкъ япкъанлары ичюн Алланынъ истегинен азап чекмеге – яманлыкъ япкъанлары ичюн азап чекмектен яхшыдыр.