1 Падишалар 2:7 - Мукъаддес Китап

⁷ Сен фукъаре япасынъ да, зенгинлик бересинъ, ашалайсынъ да, юксельтесинъ.

1 Падишалар 2:7 ပူးပေါင်းရင်းမြစ်များ

4 Падишалар 9:6

Еху турып эвге кирди. Яш пейгъамбер онынъ башына зейтюн ягъыны тёкти ве: – Исраильнинъ Алласы олгъан РАББИ бойле дей: Сени ягънен сюртип, Мен сени РАББИнинъ халкъы олгъан Исраильнинъ падишасы япам.

1 Тарих вакъиалары 29:12

Зенгинлик ве шурет Сенден келир, Сен эр шейге Укюмдарсынъ! Кучь ве къудрет Сенинъ элинъдедир, Сен эр кимни юксельтмек ве къудретли этмек мумкюнсинъ!

2 Тарих вакъиалары 32:27

Хизкиянынъ байлыгъы ве шурети пек буюк олды. О, озюне кумюш, алтын, къыйметли ташлар, къокъулы отлар, къалкъанлар ве чешит тюрлю гузель савутларны сакъламакъ ичюн хазинелер яптырды.

2 Тарих вакъиалары 32:29

О, озюне шеэрлер къурды. Онынъ тувар ве къой-эчкилер сюрюлери пек буюк эди, чюнки Алла онъа пек чокъ мал-мульк берди.

Эюп акъкъында китап 1:21

ве бойле деди: – Бу дюньягъа чыплакъ кельдим, мындан чыплакъ да кетеджегим. РАББИ берди, РАББИ алды, РАББИнинъ Ады мубарек олсун!

Эюп акъкъында китап 40:12

Къуйругъы кедр тереги киби къатты, бутындаки дамарлары сым-сыкътыр.

Эюп акъкъында китап 5:11

Хорлангъанларны О, юксельтир, агълагъанларны къуртарыр.

Зебур 102:10

Гуналарымыз ичюн къазангъанымызгъа коре О, япмады, бизге къабаатларымызгъа ярашкъан джеза бермеди.

Зебур 75:7

Эй, Якъупнынъ Алласы, Сенинъ азарламанъдан, эм араба, эм ат сонъки юкъусына далды.

Зебур 75:8

Сен къоркъунчлысынъ, гъазабынъ кельгенде, къаршынъда ким тура билир?

Икметли сёзлер 22:2

Зенгин ве ёкъсул ян-янаша туралар: экисини РАББИ яратты.

Ешая 2:12

Бутюн къопай, гъурур ве юксельтильген адамларгъа къаршы Ордулар РАББИсининъ куню келеджек, ве олар эписи ашаланаджакълар!

Йирмея 49:15

– Мен сени халкълар арасында уфакъ этерим, адамлар санъа хор бакъаджакъ.

Ехезкель 17:24

О заман ормандаки эписи тереклер биледжек ки, Мен, РАББИ, юксек терекни алчакъ этем, алчакъ терекни исе юксельтем. Мен ешиль терекни къурутып ташлайым, къуругъан терекни исе ешиль этем. Мен, РАББИ, буны айттым ве айткъанымны япаджагъым.

Якъуп 4:10

Раббининъ огюнде алчакъгонъюлли олунъыз, ве О, сизни юксельтир.